Kwamamaza

Muhanga: Abagana SACCO Icyerekezo barasaba kongererwa igihe cyo kwishyura

Yanditswe kuya 24-11-2012 saa 11:01' na Deus Ntakirutimana
     


Abasaba inguzanyo mu murenge SACCO Icyerekezo Kiyumba barasaba ko bakongererwa igihe cyo kwishyura kuko basanga igihe bahawe ari gitoya kugira ngo babe barangije kwishyura inguzanyo bahawe.
Mu gikorwa cyo gutaha inzu nshya SACCO Icyizere Kiyumba ikoreramo, kuwa 23 Ugushyingo, abaturage bashima ibyo bamaze kugeraho birimo inyubako nshya SACCO Icyerekezo Kiyumba ikoreramo, ariko bamwe mu bahawe inguzanyo barasaba ko bakongererwa igihe cyo kwishyura kugira ngo batazajya mu bukererwe n’ubwo (...)

Abasaba inguzanyo mu murenge SACCO Icyerekezo Kiyumba barasaba ko bakongererwa igihe cyo kwishyura kuko basanga igihe bahawe ari gitoya kugira ngo babe barangije kwishyura inguzanyo bahawe.

Mu gikorwa cyo gutaha inzu nshya SACCO Icyizere Kiyumba ikoreramo, kuwa 23 Ugushyingo, abaturage bashima ibyo bamaze kugeraho birimo inyubako nshya SACCO Icyerekezo Kiyumba ikoreramo, ariko bamwe mu bahawe inguzanyo barasaba ko bakongererwa igihe cyo kwishyura kugira ngo batazajya mu bukererwe n’ubwo abandi atari uko babibona.

Bamwe mu batse inguzanyo twaganiriye batifuje ko amazina yabo atanganzwa, bavuga ko bahawe igihe gito cyo kwishyura kuko amezi atandatu bahabwa nta nyungu igaragara baba bagezeho.

Niyitegeka Jean Damascene we si ko abibona kuko ngo atangira yahingiraga amafaranga kugira ngo abone icyo arya. Nyuma yaho yaje kuguza amafaranga muri SACCO Icyerekezo, akora akazi ko gufotora none ubu yageze aho agura moto akaba anatunze umugore we n’abana batatu abikesha ayo mafaranga.

Namahoro Jeanne d’Arc , Umucungamutungo wa SACCO Icyerekezo avuga ko igihe batanga atari gitoya ahubwo ngo biterwa n’uko abayahabwa bashaka kuyajyana mu buhinzi nyamara ibihingwa byerera igihe kinini.

Gusa ngo barateganya kongera iki gihe bahereye mu kwezi kwa mbere 2013, abagurizwa bakazajya bishyura nyuma y’umwaka umwe, gishobora no kongerwa.

Mu rwego rwo gufasha iyi SACCO guhaza abayigana no gutanga serivisi nziza hagamijwe iterambere, abayobozi bayo barategurirwa amahugurwa n’ikigo cya Leta gishinzwe amakoperative(RCA) nk’uko babyijejwe na Munyentwari Jean de Dieu ushinzwe iterambere rya za SACCO muri iki kigo.

Mutakwasuku Yvonne, Umuyobozi w’Akarere ka Muhanga yasabye abagana iyi SACCO gukora cyane kugira ngo babone icyo babitsa kizabateza imbere n’ababo.

Inyubako ya SACCO Icyerekezo yatwaye miliyoni 25 aho inafite inzu mberabyombi.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved