Musanze: Abagore bagera kuri 300 biyemeje kureka ubuforoderi

Yanditswe na Rene Anthere Rwanyange
Kuya 6 Gashyantare 2013 saa 06:14
Yasuwe :
0 0

Abagore bagera kuri 300 bo mu murenge wa Muhoza, Akarere ka Musanze,Intara y’Amajyaruguru, biyemeje kwibumbira muri Koperative, bagatandukana n’ubuforoderi kuko basanze nta terambere bwabagezaho.
Ibi babitangaje kuri uyu wa gatatu tariki 06 Gashyantare2013, ubwo aba bagore bamaze amezi atatu bakora nk’itsinda, barimo bakangurirwa ibyiza bya koperative, ndetse banareba uko bashaka ibisabwa ngo batangire gukora.
Barakagwira Lucie, umunyamuryango mu ishyirahamwe Abishyizehamwe ry’abacuruzi (...)

Abagore bagera kuri 300 bo mu murenge wa Muhoza, Akarere ka Musanze,Intara y’Amajyaruguru, biyemeje kwibumbira muri Koperative, bagatandukana n’ubuforoderi kuko basanze nta terambere bwabagezaho.

Ibi babitangaje kuri uyu wa gatatu tariki 06 Gashyantare2013, ubwo aba bagore bamaze amezi atatu bakora nk’itsinda, barimo bakangurirwa ibyiza bya koperative, ndetse banareba uko bashaka ibisabwa ngo batangire gukora.

Barakagwira Lucie, umunyamuryango mu ishyirahamwe Abishyizehamwe ry’abacuruzi bambukiranya umupaka, avuga ko nyuma yo kwishyira hamwe babonye ibyiza byinshi birimo gusangira ibitekerezo kandi bakabasha guhashya irungu.

Biyemeje guca ukubiri n'ubuforoderi bagakorera mu mucyo

Avuga kandi ko babasha kugurizanya, kugira ngo babashe guteza imbere bagenzi babo badafite igishoro, banabonera ubwishingizi bwo kwivuza bamwe muri bo batabufite, kandi ngo bafite gahunda yo kuzahinduka koperative ifite ubushobozi bwo kubitsa no kuguriza abanyamuryango.

Iri shyirahamwe rigiye guhinduka koperative, kugeza ubu rigizwe n’amatsinda 6, agizwe n’umubare munini w’abagore n’aho abagabo bakaba ari batandatu gusa.

Manzi Claude, Umunyamabanga Nshingwabikorwa w’Umurenge wa Muhoza, yabwiye abitabiriye iyi nama ko bagomba kwishakamo ubushobozi kuko akimuhana kaza imvura ihise, hakaba n’ubwo ihita ntikaze.

Yaboneyeho gushima aba bagore kubera igitekerezo bagize cyo guhitamo gukorera mu mucyo, abasaba kwitandukanya na bagenzi babo batarabasha kugira ubwo butwari.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza