Kwamamaza Tigo_ digital garden

Nyagatare: Laboratwari igezweho mu guhangana n’indwara zibasira amatungo

Yanditswe kuya 1-04-2013 saa 09:00' na James Habimana
     


Mu karere ka Nyagatare, hagiye kubakwa Laboratwari igezweho y’amatungo, muri gahunda ya Leta yo kurwanya indwara no kuzimenya mbere y’uko amatungo arwara.
Ibi biratangazwa n’Umuyobozi ushinzwe ibikomoka ku matungo mu Kigo Gishinzwe Ubuhinzi (RAB) Dr. Kanyandekwe Christine, ubwo yahuraga n’aborozi n’abayobozi b’inzego z’ibanze mu karere ka Nyagatare.
Nk’uko tubikesha The New Times, Dr. Kanyandekwe yavuze ko iyi Laboratwari izafasha aborozi gukomeza kongera umusaruro. Yagize ati “Iyi Laboratwari, (...)

Mu karere ka Nyagatare, hagiye kubakwa Laboratwari igezweho y’amatungo, muri gahunda ya Leta yo kurwanya indwara no kuzimenya mbere y’uko amatungo arwara.

Ibi biratangazwa n’Umuyobozi ushinzwe ibikomoka ku matungo mu Kigo Gishinzwe Ubuhinzi (RAB) Dr. Kanyandekwe Christine, ubwo yahuraga n’aborozi n’abayobozi b’inzego z’ibanze mu karere ka Nyagatare.

Nk’uko tubikesha The New Times, Dr. Kanyandekwe yavuze ko iyi Laboratwari izafasha aborozi gukomeza kongera umusaruro. Yagize ati “Iyi Laboratwari, izaba ifite ubushobozi bwo kumenya indwara mbere, aborozi ntibazongera guhura n’ikibazo cy’ubuvuzi bw’amatungo yabo.”

Akomeza avuga ko aborozi bazajya bahabwa imiti ijyanye n’indwara zagaragaye ku matungo yabo, ari na cyo ngo kibazo bahuraga na cyo.

Dr. Kanyandekwe akomeza atangaza ko bakoze iki gikorwa kugira ngo hongerwe ubuzima bw’amatungo, hanarebwa no ku bipimo mpuzamahanga bijyanye n’ubuziranenge bw’ibijyanwayo. Aha akavuga ko ibikoresho byose byamaze kuhagera hakaba hasigaye gutangira.

Umuyobozi w’akarere ka Nyagatare Sabiti Atuhe Fred, atangaza ko Minisiteri y’Ubuhinzi n’Ubworozi yabafashije kongera ibikomoka ku bworozi no kongerera agaciro k’ibyo bajyana ku masoko, byanatumye hagabanuka ibyo gushingira ku kintu kimwe. Yagize ati “Iyi Laboratwari izatuma ibyo tujyana ku masoko mpuzamahanga bigira agaciro. Ubu turizera ko mu karere kacu ari twe tuzaba aba mbere mu kujyana inyama nziza ku isoko mpuzamahanga, ariko hagomba no gukomeza gukangurira aborozi ibijyanye no guhindura amatungo.”

Karisa Samuel umworozi wo mu Murenge wa Karangazi, avuga ko iyi Laboratwari nifungurwa, izabafasha mu guhindura ubuzima bw’imiryango myinshi, kuko abenshi usanga ubukungu bwabo bushingiye ku bworozi. Yagize ati “Ubu bushakashatsi bujyanye no guteza imbere aborozi turabwishimiye. Twakunze guhura n’ikibazo cy’indwara ziza zidutunguranye nk’uburenge, zica amatungo yacu. Ubu turizera ko nitubona iyi Laboratwari, tuzajya tumenya izi ndwara hakiri kare.”

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved