Perezida Kagame yasabye abahinzi b’umuceri ba Bugarama kongera umusaruro

Perezida Kagame yasabye abahinzi b’umuceri ba Bugarama kongera umusaruro


Yanditswe kuya 17-01-2013 - Saa 14:40' na Olivier Rubibi

Mu ruzinduko Perezida Paul Kagame yagiriye mu karere ka Rusizi yasabye abahinzi bo mu kibaya cya Bugarama kongera umusaruro kandi bakawushyira ku isoko ari mwiza.

Ibi yabitangaje ubwo yasuraga SODAR, Sosiyete iteza imbere ibikomoka ku buhinzi n’ubworozi, iherereye mu murenge wa Nyakabuye mu karere ka Rusizi.

Sosiyete ya SODAR, ifite uruganda rutonora umuceri “Mashyuza Rice Mill” rufite ubushobozi bwo gutonora umuceri ungana na toni 2,5 mu gihe cy’isaha.

Ugereranije n’umusaruro ikibaya cya Bugarama gitanga ku mwaka ugera kuri toni ibihumbi 16, umusaruro muke cyane ugereranyije n’ubushobozim bw’inganda ziwutunganya ziri muri Rusizi.

Nyuma yo gusura SODAR, Perezida Kagame, yasuye uruganda rwa CIMERWA anashyira ibuye ahagiye kubakwa urundi ruganda rutunganya sima kugira ngo sima yakorwaga izikube inshuro esheshatu.

Paul Kagame yavuze ko umuhanda ugana kuri uru ruganda ugiye gutangira gukorwa

Ikibaya cya Bugarama gifite ubuso burenga hegitari 15000.
Olivier Rubibi

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO