Texas : Bateye inkunga ikigega Agaciro ibihumbi 10 by’amadolari

Abanyarwanda baba i Houston i Texas muri Leta Zunze Ubumwe za Amerika, nabo batangije ikigega Agaciro (Agaciro Development Fund), mu gikorwa bateguye babinyujije muri Ambasade y’u Rwanda ikorera i Washington DC

Nk’uko tubikesha Ambasade y’u Rwanda i Washington, mu gutangiza icyo kigega, nk’abo Banyarwanda bari bihaye intego yo gushyigikira ikigega Agaciro, bashyiramo ibihumbi 20 by’amadolari y’Amerika, ariko abaje babashije gutanga ibihumbi 10 by’amadoalari.

Abanyarwanda baba i Houston, bashyigikira ikigega Agaciro cyatangijwe ku mugaragaro na Perezida wa Repuburika umwaka ushize, bagashima imiyoborere iri mu Rwanda.

Umunyarwanda witwa Esperance w’i Houston, yavuze ko yishimiye gutera inkunga Ikigega Agaciro akagira uruhare mu kuzamura uburyo bwo kwikemurira ibibazo nk’abenegihugu.

Abitabiriye gutanga umusanzu mu kigega Agaciro i Houston

Dr. Masozera, we mu ati “Duterwa ishema n’imiyoborere ya Perezida Paul Kagame, tunabona icyo gitekerezo nk’intabwe yo kwishakira iterambere ry’igihugu cyacu.”

Ikigega Agaciro Development Fund cyatangijwe mu mwaka ushize Abanyarwanda baba abakorera Leta, abikorera bagiye batanga imisanzu yo kugishyigikira buri wese bitewe n’uko yifite.