Tigo  yahembye imishinga igamije guteza  imbere abana

Tigo yahembye imishinga igamije guteza imbere abana


Yanditswe kuya 24-11-2012 - Saa 08:34' na Olivier Rubibi

Tigo Rwanda yatanze ibihembo ku bagabo batatu Ntazinda Jean, Kayisire Jacques na Sekamana Archimedes bagaragaje imishinga myiza kurusha abandi igamije guteza abana imbere.

Imishinga y’aba bagabo yatsinze igiye kuzajya ibahesha Ibihumbi makumyabiri na bitanu by’amadolari y’Amerika (25.000 USD) kuri buri muntu mu gihe kingana n’imyaka itatu mu rwego rwo gukomeza guteza imbere imishinga yabo.

Nk’uko umuyobozi wa gahunda igamije guhindura imibereho y’abana ku Isi Demba Sarah yavuze ko iyi gahunda imaze guhindura ubuzima bw’abana bagera kuri miliyoni, kandi ikaba izakomeza.

Sarah yasobanuye uko irushanwa ryateguwe n’uburyo abatsinze bakoze akazi gakomeye kugira ngo bagere ku ntsinzi.

Sarah yagize ati “Mu irushanwa twakiriye abantu bafite imishinga yo kurushanwa 600 muri aba 97 ni bo bakomeje mu cyiciro cyari gikurikiye, ubu hasigayemo batandatu bagiye gukurwamo batatu bagomba guhembwa. Buri mushinga wabaga ukurikiranwa n’abahanga batandatu, aba batsinze bari babikwiriye.”

IGIHE cyegereye Kayisire Jacques watsinze akaba yarakiniye ikipe ya Rayon Sports kuva mu 1994 nyuma ya Jenoside yakorewe Abatutsi kugera mu 1997 atangaza ko umushinga we umaze imyaka ibiri, aho yigisha abana umupira nyuma y’umupira akabigisha indangagaciro z’Abanyarwanda ndetse akabumvisha ko imbere habo heza ari bo bagomba kuhagiramo uruhare.

Kayisire yakomeje avuga ko umushinga we ugiye gukomera kuko abonye amafaranga yo gukoresha.

Abatsinze bahise bahabwa, buri muntu, Sheki y’amadolari y’Amerika ibihumbi makumyabiri na bitanu (25000USD), bazajya bahabwa buri mwaka mu gihe cy’imyaka itatu. Imishinga yabo izajya igenzurwa na Tigo.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO