Kwamamaza

U Rwanda ruzaba rufite umusaruro w’umuceri uhagije muri 2017

Yanditswe kuya 3-04-2012 saa 10:33' na Rachel Mukandayisenga
     


Minisiteri y’Ubuhinzi n’Ubworozi iratangaza ko mu mwaka w’i 2017 u Rwanda ruzaba rufite umusaruro uhagije w’umuceri kuko hari gukorwa ibishoboka byose kugira ngo wiyongere.
Ikinyamakuru The New times dukesha iyi nkuru gitandaza ko Ruzindaza Ernest, Umunyamabanga uhoraho muri Minisiteri y’Ubuhinzi n’ubworozi avuga ko bagiye gukora ibishoboka byose ku buryo mu mwaka w’2017 igihugu cy’u Rwanda kizaba gifite umusaruro uhagije w’umuceri, kitinjiza umuceri uturutse hanze ahubwo ari cyo kigemurira (...)

Minisiteri y’Ubuhinzi n’Ubworozi iratangaza ko mu mwaka w’i 2017 u Rwanda ruzaba rufite umusaruro uhagije w’umuceri kuko hari gukorwa ibishoboka byose kugira ngo wiyongere.

Ikinyamakuru The New times dukesha iyi nkuru gitandaza ko Ruzindaza Ernest, Umunyamabanga uhoraho muri Minisiteri y’Ubuhinzi n’ubworozi avuga ko bagiye gukora ibishoboka byose ku buryo mu mwaka w’2017 igihugu cy’u Rwanda kizaba gifite umusaruro uhagije w’umuceri, kitinjiza umuceri uturutse hanze ahubwo ari cyo kigemurira amasoko mpuzamahanga.

Bumwe mu buryo buzakoreshwa mu kuzamura uwo musaruro ni ukugura no gutunganya ibishanga bizajya bihingwamo umuceri.
Ruzindaza akomeza avuga ko kuri i Nyagatare ho mu Ntara y’Iburasirazuba hari hegitari zirenga 1700 z’imirima y’ibishanga zirimo gutegurwa kugira ngo bazazihingemo umuceri.

Ati: “Gahunda yacu nka MINAGRI ni uguhagarika kugura umuceri mvamahanga ahubwo twe tukeza mwinshi tugahaza amasoko y’imbere mu gihugu ndetse tukanasagurira amasoko yo hanze.”

Nobert Sendege, Umuyobozi mukuru ushinzwe umusaruro muri MINAGRI avuga ko muri iki gihe u Rwanda rweza toni ibihumbi 71 z’umuceri ku mwaka.

Sendege avuga kuri ubu ubuhinzi bw’umuceri bukorerwa kuri hegitari 9000, ariko bikaba biteganyijwe ko umwaka hashobora kwiyongeraho izindi hegitari zirenga 2400 mu rwego rwo kongera umusaruro.

Ati: “65% by’umusaruro w’umuceri wera mu Rwanda uhaze amasoko yo mu Rwanda. Umwaka ushize umusaruro wari ku kigero cya 55% ariko twizeye ko uko tuzakomeza guhinga mu buryo bugezweho ni ko tuzagenda tubona umusaruro mwinshi, bikagera mu 2017 nta kibazo cy’umuceri kikigaragara mu Rwanda.”

Akomeza avuga ko mu myaka itanu ishize leta y’u Rwanda kubufatanye na Banki y’isi n’Ikigega mpuzamahanga cyita ku iterambere ry’Ubuhinzi byatanze inkunga mu buhinzi bw’umuceri igera kuri miliyari 80 z’amafaranga y’u Rwanda.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved