Umusaruro w’amafi uzava kuri toni 17,000 ugere ku 25,000 muri 2013 - PAIGELAC

Yanditswe na Nsabimana Emile
Kuya 13 Mutarama 2013 saa 11:04
Yasuwe :
0 0

Inzobere zo muri Minisiteri y’Ubuhinzi n’Ubworozi, zirasaba abashoramari gushora imari mu korora amafi kuko bwazabateza imbere mu gihe kizaza kandi na Leta igashyigikira ubwo bworozi kugira ngo bubashe gutera imbere.
Inkuru ya the New Times igaragaza ko Umuyobozi ushinze ubworozi bw’amafi mu Rwanda mu mushinga wa Minisiteri y’Ubuhinzi n’Ubworozi PAIGELAC, Dr. Wilson Rutaganira, yabwiye itangazamakuru ko umusaruro n’amasoko y’amafi bizaba byiyongereye cyane mu minsi mike iri imbere.
Ibi yavuze (...)

Inzobere zo muri Minisiteri y’Ubuhinzi n’Ubworozi, zirasaba abashoramari gushora imari mu korora amafi kuko bwazabateza imbere mu gihe kizaza kandi na Leta igashyigikira ubwo bworozi kugira ngo bubashe gutera imbere.

Inkuru ya the New Times igaragaza ko Umuyobozi ushinze ubworozi bw’amafi mu Rwanda mu mushinga wa Minisiteri y’Ubuhinzi n’Ubworozi PAIGELAC, Dr. Wilson Rutaganira, yabwiye itangazamakuru ko umusaruro n’amasoko y’amafi bizaba byiyongereye cyane mu minsi mike iri imbere.

Ibi yavuze ko bizagerwaho ku bufatanye n’abikorera, aho yagize ati “Abikorera ku giti cyabo bakwiriye kwiyumva muri iyi gahunda, icyakora Leta [na yo] igomba kubaba hafi ikabagira inama.”

Minisiteri y’Ubuhinzi n’Ubworozi kandi itangaza ko kuva hashyirwaho PAIGELAC umusaruro w’amafi wavuye kuri toni 7,000 zo mu mwaka wa 2006, ukagera kuri toni 17,000 zo mu mwaka wa 2012.

Umushinga PAIGELAC washyizweho binyuze mu nkunga ya Bnki Nyafurika Itsura Amajyabere BAD, mu rwego rwo guteza imbere uburobyi mu Rwanda.

Bimwe mu byo uyu mushinga wibandaho ni uguhugura aborozi b’amafi, ndetse no kubaka ingomero zo kororeramo.

Minisiteri y’Ubuhinzi n’Ubworozi ivuga ko iteganya kuzagera kuri toni 25,000 z’umusaruro w’amafi mu mwaka wa 2013, ikaba inateganya kugera kuri toni zirenga 120,000 mu mwaka wa 2020.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza