Nyagatare: Imbuto ziribwa zabaye ingume

Nyagatare: Imbuto ziribwa zabaye ingume


Yanditswe kuya 29-12-2012 - Saa 11:54' na Marie Chantal Nyirabera

Abacuruzi b’imbuto mu Mujyi wa Nyagatare bavuga ko bazibona bibagoye bityo ugasanga abakiliya batishimira igiciro baziguraho. Si abacuruzi gusa kuko n’abashoboye guhinga imbuto na bo ntiborohewe n’inyamaswa zitwa Ibitera zibonera.

Umwe mu bahinzi w’i Matimba yavuze ko Leta ibafasha mu kurinda inyamanswa zibonera umusaruro. Avuga ko ikibazo cy’inyamaswa zona gikemutse byagabanya ikibazo cy’ibura ry’imbuto mu karere.

Mu isoko rya Nyagatare, bamwe mu bacuruza imbuto batangaza ko bazikura ku masoko ya Rukomo mu karere ka Nyagatare na Kabarondo mu karere ka Kayonza. Ndayisenga Fideli yavuze ko hari n’ubwo bazirangura i Kigali bityo ngo kuzibona bikaba bibabagora, na bo bakazigurisha zihenze.

Mukanyandwi Narcissia yatangaje ko bakora urugendo rurerure kugira ngo babone aho barangura imbuto. Asanga umuti ari uko abahinzi bajya bibuka no gutera imbuto, kuko zigirira umubiri w’umuntu akamaro. Ibyo kandi ngo bigatuma igiciro ku isoko kigabanyuka kuko ziba zabaye nyinshi.

Rutukana George wo mu Kagari ka Kagitumba umurenge wa Matimba yagize ubushake bwo guhinga imbuto z’amoko anyuranye kandi zatangaga umusaruro ariko hari imbogamizi y’inyamanswa zibonera zitwa Ibitera, bityo umusaruro ukaba muke.

Umuyobozi w’Akarere ka Nyagatare, Atuhe Sabiiti Fred, yatangarije IGIHE ko usibye kuba ibitera n’inkende byangiza imbuto, inyamashwa zo muri Pariki y’Akagera na zo zona indi myaka, ariko ko hashyizweho ingaba mu kuzikumira.

Yavuze ko igihingwa cy’imbuto ari ikibazo muri Nyagatare ariko ko kizakemuka vuba kuko bari mu nyigo zo kureba imbuto zahera ku bufatanye na NAEB.

Umuyobozi w’Akarere ka Nyagatare yagize ati “Sinshidikanya ko mu minsi iri imbere iki kibazo kizaba cyakemutse, ubutaka burahari, zimwe mu mbuto zirimo inanasi zatangiye guhingwa kandi ziratanga umusaruro. Duteganya no guhinga makadamiya, imyembe n’izindi mbuto zizagaragazwa ko zakwera muri aka karere.”

Akarere ka Nyagatare karimo abahinzi ubu bahagurkiye guhinga inanasi kandi batangiye no gukora inganda nto zitunganya umutobe uva muri izo mbuto. Kurundi ruhande imbuto zidakunze kuboneka hafi yabo ngo ni imyembe, amatunda n’amacunga.

Igitera
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO