Nyagatare : Kirabiranya yugarije imirenge yose

Nyagatare : Kirabiranya yugarije imirenge yose


Yanditswe kuya 16-01-2013 - Saa 12:13' na Faustin Nkurunziza

Indwara ya kirabiranya irangwa no kuma kw’amakoma yugarije imirenge yose igize akarere ka Nyagatare.

Kirabiranya ni indwara y’urutoki yandura ku buryo bwihuse. Umurenge wa Kiyombe ni hamwe mu ho igaragara cyane muri iyi minsi. Mu bimenyetso byayo harimo kuma kw’amakoma cyangwa agahinduka umuhondo, igitoki cyangirika kitarakomera ndetse umutumba w’insina ukagira amakakama y’umuhondo.

Ku wa kabiri abaturage b’Akagari ka Gitenga basuwe n’abakozi b’ikigo cy’igihugu gishinzwe ubuhinzi n’ubworozi (RAB), babwirwa iby’iyi ndwara, banigishwa uburyo bwo kuyirwanya.

Nk’uko bitangazwa n’Umuyobozi w’akarere wungirije ushinzwe ubukungu n’iterambere, Muganwa Stanley, avuga ko kimwe mu bituma iyi ndwara yiyongera vuba ngo harimo guhishira uyirwaje, banga ko harimburwa urutoki.

Barasabwa kurimbura insina zose zirwaye
Dr Svetlana Gaitashova ushinzwe gahunda y’urutoki muri RAB yasabye abaturage gukorera hamwe, bakarandura izi nsina batazitsimbarayeho, kuko nta musaruro zizabaha.

Nyuma yo guhabwa inyigisho zitandukanye kukurwanya n’iyi ndwara, bahawe Abafashamyumvire baturutse mu turere dutandukanye tw’igihugu. Abaturage bahise bakora igikorwa cyo kurandura no gutaba insina zibasiwe na kirabiranya.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO