AB Bank yifatanyije n’abakiliya bayo mu kwizihiza umunsi w’abagore (Video)

Yanditswe na Mukaneza M.Ange
Kuya 8 Werurwe 2017 saa 04:31
Yasuwe :
0 0

Mu rwego rwo gushimira no kwereka abagore ko ibashyigikiye, AB Bank Rwanda, yifatanyije na bamwe mu bakoranye nayo kuva yatangira mu kwizihiza umunsi mpuzamahanga wahariwe umugore.

Iki gikorwa cyabereye ahakorera AB Bank, Ishami rya Nyarugenge kuri uyu wa 8 Werurwe 2017.

Bamwe mu bagore bitabiriye ibi birori, bagaragaje ko gukorana na AB Bank byatumye barushaho kwiteza imbere, kuko ibaha inguzanyo itabasabye ingwate zihambaye.

Uwantege Speciose uranguza amaguriro manini (supermarket), ibicuruzwa bitandukanye yavuze ko yatangiye gukorana na AB Bank mu 2014, ikaba imaze kumugeza ku rwego rushimishije.

Ati” Iki kintu AB Bank yakoze ngo yongere ku tuzirikana, cyane ku munsi w’abagore cyanshimishije. Byagaragaje ko iyi banki iduha agaciro kandi ko uretse gushaka inyungu gusa, ishaka gukomeza gukorana neza n’abakiliya bayo.”

Yakomeje avuga ko ari ikimenyetso ko iha abagore agaciro, kandi yifuza ko bakomeza guteza imbere ibikorwa byabo, n’igihugu muri rusange.

Umuyobozi wa AB Bank, ishami rya Nyamirambo, Uwamariya Claudette, yatangaje ko icyo uyu munsi wari ugamije ari ukugaragariza abagore ko iyi banki yizera ko iterambere ryayo, n’iry’umuryango muri rusange ari bo rishingiyeho.

Yakomeje agaragaza ko iyi banki iha abagore inguzanyo kuko bashoboye ndetse ashishikariza abataritinyuka ngo bakore, gutera intambwe ya mbere uyu munsi.

Muri konti ibihumbi 20 zimaze gufunguzwa muri iyi banki, 40% ni iz’abagore biganjemo abakora ubucuruzi buto n’ubuciriritse.

AB Bank Rwanda yatangiye imirimo yayo mu 2014, ifite amashami atanu arimo ane ari mu mujyi wa Kigali, n’irindi riri mu mujyi wa Musanze. Itanga inguzanyo guhera ku bihumbi 70 by’amafaranga y’u Rwanda kuzamura.

Umuyobozi wa AB Bank, Ishami rya Nyamirambo, Uwamariya Claudette
Uwantege Speciose watangiranye na AB Bank kuva mu 2014
Bamwe mu bagore batangiranye na AB Bank mu bucuruzi bwabo
Abayobozi ba AB Bank n'abagore bifatanyije mu kwizihiza umunsi wabo

Amafoto: Kazungu Armand
[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza