Ibyo wamenya kuri Phoenix Plaza igufasha kugura amacumbi no kuyabyaza inyungu

Yanditswe na Evariste Nsengimana
Kuya 1 Gicurasi 2019 saa 06:28
Yasuwe :
0 0

Uko imyaka ishira indi igataha niko ababigize umwuga barushaho gutekereza no kuvumbura uburyo bunyuranye bwafasha umuntu gukoresha amahirwe y’iterambere agaragara mu gihugu.

Hari abo muzaganira baguhishurire ko bahorana inzozi zo kwiteza imbere no kugira uruhare mu iterambere ry’igihugu cyababyaye ariko bibaza uko babigeraho bitabangamiye imirimo bakora.

Ikigo cy’Abashinwa cya Phoenix Plaza kimaze kwamamara mu kubaka, kugurisha no gucunga amacumbi agezweho cyaharuriye inzira Abanyarwanda.

Kimaze imyaka hafi ibiri mu bikorwa byo kubaka amacumbi ahendutse kandi abereye buri wese mu Rwanda ndetse gifite n’imishinga yo kubaka andi.

Phoenix Plaza iheruka kugirana amasezerano na Diaspora Home Management Ltd, ikigo cy’abanyamwuga, gifite ubunararibonye mu guha Abanyarwanda baba mu mahanga serivisi zigamije gutuma boroherwa no kumenya icyo bakora mu rwababyaye.

Umuyobozi w’Umushinga wa Diaspora Home Management Ltd, Marie B. Umuraza Rutaganda, yabwiye IGIHE ko mu myaka ibiri Phoenix Plaza imaze ikorera mu Rwanda yahashinze ibikorwa remezo by’inyubako zo kurimbisha Kigali.

Yavuze ko mu masezerano impande zombi zagiranye, agamije gufasha Abanyarwanda baba mu mahanga bifuza kugira uruhare mu iterambere ry’u Rwanda kubigeraho bitabagoye.

Binyuze muri iyo gahunda, umuntu ashobora kugura inyubako mu macumbi Phoenix Plaza iheruka kuzuza i Kanombe mu Karere ka Kicukiro, hateganye neza n’icyanya cyahariwe inganda i Masoro, ahazwi nko kuri 12.

Ati “Ni amacumbi ari ku giciro cyiza, bashobora gushoramo amafaranga barangiza bakabona amahirwe yo kuzazisigarana. Phoenix Plaza izajya igira amafaranga ibaha ku kwezi bityo n’ayo baziguze bakayagaruza mu buryo bworoshye cyane.”

Yavuze ko nk’umuntu uba mu mahanga cyangwa ufite ibindi akora bitamuha umwanya uhagije, ashobora guhitamo kugura inzu muri ayo macumbi, yarangiza akagirana amasezerano na Phoenix Plaza ko izajya iyimucungira ikamuha amafaranga ku kwezi.

Muri iyi gahunda yo kuyacunga, iyo umuntu aguze icumbi rifite ibyumba bitatu, amasezerano agirana na Phoenix avuga ko izajya imuha 1000$, iy’ibyumba bibiri, ikamuha 800$ naho iy’ifite icyumba kimwe 600$ ku kwezi.

Ni amacumbi yubatse mu buryo bugezweho, afite ahantu ho kwidagadurira hari ubwogero, resitora, iguriro rinini n’aho gukorera imyitozo ngororamubiri [gym].

Ayo macumbi arimo n’ibikoresho by’ibanze nk’ibitanda n’utubati ariko uriguze abishaka yongeraho make, agashyirirwamo ibindi nk’ibyuma bikonjesha [Frigo], amashyiga [Cuisinière], ibikoresho by’aho barira [salle à manger] n’ibindi.

Diaspora Home Management Ltd itanga serivisi zirebana n’ishoramari n’imicungire y’imitungo, yatangijwe mu rwego rwo kurushaho kubyaza umusaruro imbaraga z’umubare munini w’Abanyarwanda baba hirya no hino ku Isi.

Igufasha kandi kumenya banki n’ibigo by’ubwishingizi wakorana nabyo mu Rwanda, binyuze mu kukugereranyiriza serivisi n’ibicuruzwa zifite ugahitamo ukurikije ibyo ukeneye n’ubushobozi bwawe.

Umuntu wifuza kubyaza inyungu aya mahirwe yahamagara cyangwa akandikira nimero igendanwa ya +250787035707 iri no kuri WhatsApp cyangwa akifashisha email [email protected]

Amacumbi ya Phoenix Plaza yubakanye ubuhanga. Aherereye kuri 12, hafi y'icyanya cyahariwe inganda i Masoro
Aya macumbi ni meza kandi arahendutse
Phoenix Plaza imaze kuzamura izina mu kubaka amacumbi agezweho
Aya macumbi ashyirwamo ibikoresho by'ibanze byo mu rugo bishobora no kongerwa
Amacumbi afite ibikoresho by'ibanze birimo n'uburiri bugezweho
Umuyobozi w’Umushinga wa Diaspora Home Management Ltd, Marie B. Umuraza Rutaganda, yabwiye IGIHE ko Abanyarwanda baba mu mahanga bashyiriweho uburyo buborohereza gushora imari mu gihugu cyabibarutse
Umuyobozi ushinzwe Ubucuruzi muri Phoenix Plaza, Kay Zheng

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza