Kwamamaza Tigo_ digital garden

Inguzanyo zitangwa na BCR ziyongereyeho 40% mu 2012

Yanditswe kuya 15-03-2013 saa 16:44' na Ange de la Victoire Dusabemungu
     


Mu gihe yitegura kwizihiza imyaka 50 imaze, Banki y’Ubucuruzi y’u Rwanda irishimira ko mu mwaka w’2012, umubare w’amafaranga y’inguzanyo yahaye abakiriya wiyongereyeho 40%.
BCR yatangaje uburyo yitaye ku bakiriya bayo batandukanye bayatse inguzanyo kuwa Gatanu, tariki ya 15 Werurwe 2013, mu nama rusange ngarukamwaka ya BCR.
Mu mwaka w’2011, BCR yari yatanze inguzanyo zihwanye n’amafaranga y’u Rwanda angana na Miliyari 37.6 mu gihe muri 2012 yatanze angana na miliyari 52.5 y’aamafaranga y’u (...)

Mu gihe yitegura kwizihiza imyaka 50 imaze, Banki y’Ubucuruzi y’u Rwanda irishimira ko mu mwaka w’2012, umubare w’amafaranga y’inguzanyo yahaye abakiriya wiyongereyeho 40%.

BCR yatangaje uburyo yitaye ku bakiriya bayo batandukanye bayatse inguzanyo kuwa Gatanu, tariki ya 15 Werurwe 2013, mu nama rusange ngarukamwaka ya BCR.

Mu mwaka w’2011, BCR yari yatanze inguzanyo zihwanye n’amafaranga y’u Rwanda angana na Miliyari 37.6 mu gihe muri 2012 yatanze angana na miliyari 52.5 y’aamafaranga y’u Rwanda.

Sanjeev Anand, umuyobozi mukuru wa BCR, aratangaza ko mu byo kwishimira harimo no kuba umwaka ushize BCR yarabashije kunguka abakiriya bashya bagera ku 1,750; BCR igahita igira abakiriya bagera ku 31,000.

Sanjeev yongeyeho ko amafaranga BCR ifite mu kigega cyayo umwaka ushize yiyongereyeho 21%, aho mu 2011 harimo agera kuri miliyari 70.6, arazamuka agera kuri miliyari 85.5 mu 2012.

Raporo ngarukamwaka ya BCR, igaragaza ko mu mwaka w’2012, BCR yungutse amafaranga angana na miliyari 5.9 y’amafaranga y’u Rwanda, hakurwamo umusoro wa miliyari 1.7, isigarana Miliyari 4.2.

Umuyobozi wa BCR Sanjeev Anand ati “Turishimira kubamenyesha ko BCR mu mwaka wa 2012 yahawe igihembo nka banki nziza mu Rwanda cyatanzwe n’Umuryango Global Finance.”

Yakomeje asobanura ko nyuma yo kugirana ubufatanye na Banki yo muri Kenya yitwa I&M Bank, ubu BCR irateganya kwagura ibikorwa byayo bikagera mu bihugu bitandukanye by’Afurika.

Umuyobozi wa BCR, Sanjeev Anand

Ku rundi ruhande ariko, BCR ngo ntiyibanda ku bucuruzi gusa, kuko hari na gahunda zindi zirimo gutanga amahugurwa y’ibaruramari n’icungamutungo agenerwa ibigo by’imari bitandukanye, gufasha abanyeshuli kwimenyereza umwuga w’amabanki n’ibindi.

Mu mwaka wa 2013, BCR iratangaza ko izashyira imbaraga mu ikoranabuhanga, bikazafasha mu gucunga umutekano w’amafaranga ndetse no kwihutisha serivisi.

BCR iranategura kubaka inyubako nshya ijyanye n’icyerekezo cy’imyubakire mu mujyi wa Kigali.

BCR izizihiza isabukuru y’imyaka 50 imaze itangiye ku itariki ya 25 Gicurasi,2013.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved