Kwamamaza

Kimironko: AB Bank yasabanye n’abakiliya bayo, bashima byinshi imaze kubagezaho

Yanditswe kuya 18-11-2016 saa 11:25' na Mukaneza M.Ange


Nyuma y’umwaka urenga imaze itangiye gukora, AB Bank ishami rya Kimironko yagiranye ubusabane n’abakiliya bayo, nabo ntibatinya kuyigaragariza ko hari intambwe bamaze gutera mu buzima bwabo babikesha gukorana na yo.

Muri ibi birori byabaye ku mugoroba wo ku wa 17 Ugushyingo 2016, Umuyobozi wa AB Bank Ishami rya Kimironko, Theophile Kuradusenge yavuze nubwo ari ishami rimaze umwaka n’ukwezi kumwe ritangiye ryishimira byinshi byiza bamaze kugera ho birimo n’ubwiyongere bw’abakiliya.

Ati” N’ishami ryakoze neza, uyu munsi tumaze kugera ku bakiliya 1000. Dusa nk’aho twatangiriye kuri zeru, mu kwezi kwa mbere ubwako twahise tugera nko mu bakiliya 100, bagenda biyongera buhoro buhoro bitewe na serivisi dutanga.”

Yakomeje avuga ko muri serivisi zagiye zizana abakiliya mu buryo bwihuse harimo ubwoko bw’inguzanyo batanga zirimo izizamura abantu bato n’abaciriritse kandi bakazibona byihuse nta mananiza.

Yanavuze ko kandi uretse kuba ubusabane bwari bugamije kubashimira, ari n’umwanya mwiza wo kubifuriza gusoza neza umwaka wa 2016.

Umuyobozi ushinzwe imari muri AB Bank, Jean Claude Bihoyiki yavuze ko ugereranyije n’inguzanyo zatanzwe n’amashami yose, usanga ishami rya Kimironko ryaritwaye neza nubwo imaze igihe gito itangiye gukora.

Yakomeje avuga ko AB Bank itanga inguzanyo ziciriritse ziri hagati y’ibihumbi 70 na miliyoni 100 zishyurwa mu gihe gito kandi hadasabwe ingwate ihanitse ku buryo n’abacuruzi bato babasha kuzihabwa.

Ibivugwa n’abayobozi ba AB Bank kandi byashimangiwe n’abagana ishami rya Kimironko bahamya ko bamaze kugera ku iterambere rifatika babikesha gukorana na yo.

Mukantagara Agnes ucuruza ifu y’ubwoko butandukanye mu isoko rya Kimironko yavuze ko yatangiye gukorana na AB Bank muri Nyakanga uyu mwaka, aho yahise yaka inguzanyo yamufashije gutera indi ntambwe mu bucuruzi bwe.

Ati” Inguzanyo bampaye ni ukuri yangiriye akamaro, nari umucuruzi, wenda nashoboraga kuba nakwikopesha ariko noneho navuye mu byo kwikopesha ubu nateye imbere ku buryo nanjye ndanguza abandi. Ntabwo bajya batinda kuguha inguzanyo. Mu kwezi kumwe uba uyibonye.”

Mukantagara kandi avuga ko uretse kuba ubucuruzi bwe bwaragutse aho nawe ashobora kuranguza bagenzi be, yabashije kugura moto ayishyira mu muhanda ku buryo kandi nayo yatangiye kumwinjiriza.

Si we wenyine kandi uvuga ko yagiriwe akamaro no gukorana na AB Bank kuko na Bizimuremyi Wellars uri mu kiruhuko cy’izabukuru avuga ko yamufashije kubona inguzanyo yo gukoresha moteri y’imodoka ye yari yarapfuye.

Ati” Twagiye dukorana n’amabanki menshi ariko icyiza cya AB Bank ntabwo ikurushya. Utanga ingwate birumvikana nk’andi mabanki yose, ariko amadosiye bayiga vuba.”

Uretse kurushaho kunoza serivisi iha abakiliya igendeye ku byo bakeneye, AB Bank imaze imyaka itatu ikorera mu Rwanda kuri ubu ikaba ifite amashami atanu, yatangiye gushyira imbaraga utangira mu ikoranabuhanga abafitemo konti babona amakuru y’amafaranga yabo bakoresheje telefoni zigendanwa.

Akanyamuneza kari kose mu bakiliya ba AB Bank
Bizumuremyi Wellars uri mu kiruhuko cy’izabukuru avuga ko AB Bank yamufashije kubona inguzanyo
Umuyobozi ushinzwe imari muri AB Bank, Jean Claude Bihoyiki
Umuyobozi wa AB Bank Ishami rya Kimironko, Theophile Kuradusenge

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved