Kompanyi ’Visa’ yashyizeho Umuyobozi Mukuru mu bihugu birimo n’u Rwanda

Yanditswe na Ndayikunda Josué
Kuya 21 Ukwakira 2019 saa 01:19
Yasuwe :
0 0

Kompanyi ifite uburyo bwo kwishyura hifashishijwe ikarita y’ikoranabuhanga ‘Visa’, yashyizeho Corine Mbiaketcha, ngo ayibere Visi Perezida n’Umuyobozi Mukuru wayo mu Karere ka Afurika y’Iburasirazuba, akazatangira inshingano kuwa 5 Ugushyingo 2019.

Mbabiaketcha yari asanzwe ari umuyobozi mu kigo cya Oracle, mu ishami ryacyo rikorera muri Kenya, aho yari ashinzwe ibijyanye n’ikoranabuhanga.

Inshingano yahawe zirimo kuyobora ikipe ifite icyicaro i Nairobi, aho azafatanya nayo mu kuzamura ubucuruzi bwa Visa mu bihugu birimo Kenya, Uganda, Tanzania, u Rwanda, Mauritius na Ethiopia, akaba ari naho iyi Kompanyi ya Visa ifite isoko rinini mu bihugu 13 byo mu karere ka Afurika y’Iburasirazuba ikoreramo.

Azaba kandi ashinzwe ibikorwa byose birimo kubaka umubano urambye hagati ya Visa n’abakiriya bayo, abagenzuzi ndetse n’abandi bafatanyabikorwa mu kwimakaza umuco wo kwishyura hifashijijwe ikoranabuhanga nta kujyana amafaranga mu ntoki.

Umuyobozi wa Kompanyi ya Visa muri Afurika yo munsi y’ubutayu bwa Sahara, Aida Diarra, yavuze ko Corine yaziye igihe cyane ko ngo azafasha Afurika y’Iburasirazuba gukoresha uburyo bwizewe bwo kwishyura hakoreshejwe ikoranabuhanga.

Ati “Corine yaziye igihe muri Visa kuko azafasha Afurika y’Iburasirazuba mu nzira yo kuva mu kwishyurana amafaranga mu ntoki ahubwo bagakoresha uburyo bwizewe, butekanye bwo kwishyura hakoreshejwe ikoranabuhanga n’ubufatanye n’ibindi bigo byimakaza ikoranabuhanga mu by’imari.”

Corine Mbiaketcha nawe yavuze ko yishimiye kujya mu ikipe y’abakozi ba Visa, yizeza imikoranire myiza n’abafatanyabikorwa bayo.

Corine Mbiaketcha wagizwe Umuyobozi wa Visa muri Afurika y'Iburasirazuba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza