Nyamirambo: Havumbuwe iduka ricuruza ibintu byarengeje igihe

Yanditswe na Thamimu Hakizimana
Kuya 22 Ugushyingo 2017 saa 08:51
Yasuwe :
0 0

Mu murenge wa Rwezamenyo, Akarere ka Nyarugenge havumbuwe ihahiro (Supermarket ) ricuruza ibintu byarengeje igihe.

Abaturage bo mu Kagari Rwezamenyo ya I mu Murenge wa Rwezamenyo bahaye amakuru ubuyobozi bafite impungenge z’ubuzima bw’abahaha ntibamenye ko byarengeje igihe.

Ushinzwe ubuzima n’Isuku mu Murenge wa Rwemenyo, Munyempundu Leonidas, yabwiye IGIHE ati “Ni abaturage batubwiye ko ajya abaha ibicuruzwa byarengeje igihe noneho tuza kujyayo dusanga koko ibintu birimo za mayonnaise, amata, za kawunga, imigati na Jus, amafu n’ibindi acuruza kandi byararengeje igihe, tunasanga hari n’ibyo yahinduraga amatariki y’igihe bizarangirira akoresheje ikaramu.”

Uyu mucuruzi akimara kuvumburwa ko aha abaturage ibintu byarengeje igihe yahise ashyikirizwa Sitasiyo ya Polisi ya Nyamirambo n’iduka rye rirafungwa ariko aza
kurekurwa ajya gufungura iduka rye kugira ngo abakozi b’Ikigo cy’igihugu gitsura ubuziranenge (RSB) nabo barigenzure.

Aba bakozi ba RSB bakimara kubona ko mu iduka ry’uyu mucuruzi harimo ibintu byinshi byarengeje igihe bahise babikuramo, anacibwa amande y’ibihumbi 100 Frw.

Umuturage utarashatse ko izina rye ritangazwa we avuga ko uyu mucuruzi ibi bicuruzwa bye byarengeje IGIHE ko atabihaga buri wese.

Yagize ati “Erega ntabwo ibintu byarengeje igihe yabihaga buri muntu wese, yabanzaga akareba uje kubigura, iyo yabonaga ujijutse ntiyabiguhaga kuko hari n’abamusabaga ibintu akabibima kandi bari kubibona kubera gutinya ko bamuvumbura.”

Uyu muturage ujijutse yasabye ko ubuyobozi bwagakwiye gukora ubugenzuzi buhoraho mu mahahiro (Supermarkets) kubera ko hari acuruza ibyarangije igihe, agahuma amaso abakiriya abibahera kuri make.

Abantu bose bagirwa inama yo kwitegereza neza igihe icyo bahashye cyakorewe n’igihe kizarangiriza igihe mu gukumira ibyakwangiza ubuzima.

Inzego z'umutekano nazo zari mu bugenzuzi muri iryo duka
Bimwe mu bicuruzwa byarengeje igihe byasohowe mu iduka
Ibicuruzwa byarengeje igihe byavumbuwe muri iryo duka byahise bijyanwa kumenwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza