Tour du Rwanda: Umufundi yafunguye konti ya ‘Itezimbere’ ya Cogebanque atombora igare rishya

Yanditswe na Manzi Rema Jules
Kuya 15 Ugushyingo 2017 saa 12:30
Yasuwe :
0 0

Mu gihe ibihumbi by’Abanyarwanda by’umwihariko abakunzi b’umukino w’amagare bakomeje kuryoherwa na Tour du Rwanda 2017 mu bice bitandukanye by’igihugu, ab’inkwakuzi bakomeje no gukuramo ibihembo bitandukanye babikesha gufungura konti ya ‘Itezimbere’ muri Cogebanque.

Tour du Rwanda y’uyu mwaka imaze kugera mu Mijyi itatu irimo Kigali, Huye na Rubavu ariko igomba kugera no ku batuye Musanze, Nyamata, Rwamagana, Kayonza mbere yo gusubira muri Kigali ari naho izasorezwa ku Cyumweru tariki 19 Ugushyingo 2017.

Cogebanque nk’umuterankunga mukuru w’iri rushanwa ndetse n’ikipe ya Les Amis Sportifs de Rwamagana, ikomeje gusanga abakiliya bayo hirya no hino aho Tour du Rwanda itangirira n’aho isorezwa, ibashishikariza gufungura konti za ‘Itezimbere’ zifite umwihariko wo kudakatwa amafaranga ya buri kwezi nk’uko bigenda ku zindi.

Uretse kuba ufunguye iyi konti nta mafaranga acibwa, akabikorerwa mu kanya gato cyane kandi ikamufasha kuzigama amafaranga ye mu mutekano usesuye, babona n’amahirwe yo gutsindira ibihembo bitandukanye biciye muri tombola yitabirwa n’abafunguye konti uwo munsi.

I Rubavu, abakiliya batomboye ibihembo birimo imipira, imitaka, n’ibindi bitandukanye ariko igihembo nyamukuru cy’umunsi cyegukanwa na Iyamuremye Hamad usanzwe ari umufundi watsindiye igare rishya.

Umuhanzi Bruce Melody ashyikiriza Iyamuremye igare yatsindiye kubera gufunguza konti ya Itezimbere muri Cogebanque

Mu kiganiro yagiranye na IGIHE nyuma yo gutsinda, Iyamuremye yavuze ko yishimiye bikomeye amahirwe abonye, ashimira Cogebanque idahwema gutekereza ku bakiliya bayo anasaba abandi Banyarwanda kwitabira gufunguza konti za ‘Itezimbere’ nabo bakaba babona amahirwe nk’ayo yagize.

Yagize ati “Nagiye nsanga bari kwamamaza ko gufunguza ari ubuntu, mfungura konti mbona nisanze mu bahabwa agatike ko gutomboreraho aba ariko njyana numva bampamagaye mu batomboye.”

Yakomeje avuga ko mu busanzwe byamugoraga kubona uko atwara ibikoresho bye by’akazi bityo igare atombiye rizamufasha cyane kwiteza imbere yongeraho ati “Nabonye banakira abakiliya neza kandi nta mafaranga bazajya bakata amafaranga ku kwezi, nibyo byiza navuga.”

Umuyobozi ushinzwe ubucuruzi muri Cogebanque, Mujyambere Louis de Montfort yabwiye IGIHE ko iyi banki ishyira imbere abakiliya bayo ndetse no kubaha serivise nziza ari nayo mpamvu igerageza kuzibasangisha hafi yabo, igatera inkunga ibikorwa bibafitiye akamaro kandi bibashimisha nka Tour du Rwanda.

Yagize ati “Abantu bose b’i Rubavu baje gukurikirana Tour du Rwanda ntabwo bigeze babura banki kuko tuba dufite abakozi hafi ‘agents’, babikuzaga bakabitsa ndetse n’abafunguza amakonti bayafunguzaga ikindi kandi babona n’umwanya wo kwidagadura, mwabonye ko twazanye umuhanzi uzwi mu Rwanda (Bruce Melody). Ikindi tunafite tombola utsinze abona igare.”

Uretse Konti ya ‘Itezimbere’, Cogebanque ifite na serivice zitandukanye kandi nziza zirimo n’ikarita ya ‘Mastercard Prepaid’ yemerewe gutungwa na buri wese waba uri umukiliya wa Cogebanque cyangwa utari we igafasha uyitunze gukoresha amafaranga ye neza kandi ku gihe kuko iboneka ku mashami yose ya Cogebanque amasaha 24 kuri 24. Amafaranga umukiliya yayishyizeho ayakoresha ahaha mu Rwanda no hanze yarwo.

Umushyushyarugamba MC Buryohe ati Ndariryaho umunyenga nanjye
Aba agent bafasha abakiliya gufungura konti ku buntu
Abafana ibihumbi bakurikirana tombora y'abafunguye konti ya Itezimbere muri Cogebanque
Abantu bamaze gusobanukirwa n'ibyiza bya konti za Itezimbere bahita basifunguriza aho
Bari bishimye cyane
Cogebanque iba ifite n'ababyinnyi b'abahanga basusurutsa abafana kakahava
Cogebanque ikomeje gutanga amahirwe ku bafungura konti za Itezimbere ziganisha ku bukire
Melody asusurutsa abatuye i Rubavu mu ndirimbo ye ikunzwe cyane yise Ikinya
Umuhanzi Melody yari yashimishije abanya Rubavu cyane
Uyu mukobwa wari wakomeje kugaragaza urukundo afitiye Cogebanque na Melody yaje kuzamuka ku rubyiniro asangayo uyu muhanzi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza