Umucuruzi w’inyanya n’intoryi yatomboye moto muri “Airtel Tunga”

Yanditswe na Thamimu Hakizimana
Kuya 23 Ugushyingo 2017 saa 04:14
Yasuwe :
0 0

Uwamahoro Adeline ucuruza inyanya n’intoryi mu Murenge wa Gisozi, Akarere ka Gasabo ni we munyamahirwe wegukanye moto ya 10 muri 12 za gahunda ya “Airtel Tunga”.

Uyu mubyeyi utunzwe n’ubucuruzi buciriritse akimara guhabwa moto yatsindiye kuri uyu wa Kane, yagaragaje ko ubuzima bwe bugiye guhinduka.

Yagize ati “Ubusanzwe nacuruzaga inyanya n’intoryi ariko nishimiye kuba ntsindiye iyi moto kuko bizamfasha kuva mu cyiciro cya kabiri cy’Ubudehe nabarizwagwamo, cyane cyane ko ubu hari indi ntera namaze kugeramo.”

Yongeyeho ko yegukanye iyi moto akoresheje amafaranga y’u Rwanda agera ku bihumbi 180 ndetse ko agiye kuyishakira umumotari kugira ngo irusheho kumuteza imbere.

Yakomeje ashishikariza Abanyarwanda gukomeza kugerageza amahirwe yabo muri “Airtel Tunga” kugira ngo nabo begukane izindi moto ebyiri n’imodoka bisigaye.

Umuyobozi Ushinzwe Iyamamazabikorwa muri Airtel Rwanda, Liliane Munganyinka, yasabye abafatabuguzi ba Airtel kudacika intege bagakomeza kugerageza amahirwe yabo.

Yagize ati “ Icyo twasaba abafatabuguzi ba Airtel ni uko batacika intege bagakomeza gushyiramo agatege bagerageza amahirwe yabo ntibumve ko bacikanwe kubera ko hakiri izindi moto ebyiri n’imodoka nk’igihembo nyamukuru kizatangwa nyuma.”

Uwifuza kuba umunyamahirwe asabwa kohereza ubutumwa bugufi ku 155 cyangwa agahamagara 155, akaba yinjiye mu irushanwa agatangira gusubiza ibibazo kuko iyi gahunda ikoze mu buryo bw’ibibazo.

Buri mukiliya ahabwa amanota 100 kuri buri gisubizo nyacyo ariko uwakinnye wese ahabwa inyongera y’amafaranga 11 ku butumwa bugufi azajya yohereza akoresheje Airtel kuri Airtel.

Uwamahoro ahabwa urufunguzo n'ibyangombwa bya moto yatsindiye
Uwamahoro watsindiye moto ya cumi muri Airtel Tunga yari afite akanyamuneza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza