Umukobwa wa mbere yegukanye moto muri ‘Airtel Tunga’

Yanditswe na Mfitumukiza Moïse
Kuya 2 Ugushyingo 2017 saa 04:08
Yasuwe :
0 0

Uwanyirigira Jeanne utuye utuye mu Karere ka Nyarugenge yegukanye moto nshya ifite ibyangombwa byose muri gahunda ya ‘Airtel Tunga’.

Uyu mukobwa usanzwe acuruza muri butiki, ubwo yashyikirizwaga iyi moto yavuze ko izamufasha kwiteza imbere no kwagura ubucuruzi bwe, ndetse asaba abantu gutinyuka bagakina kuko nta buriganya bubamo.

Yagize ati “Nzashaka umuntu ajye ayintwarira bimfashe kwiteza imbere mu bucuruzi bwanjye no mu buzima busanzwe nanjye ntere imbere. Ntawe utifuza kugira imbere heza, icyo nabwira abataratinyuka ngo bakine, cyane cyane abakobwa, ni uko ibi bintu ari ukuri na bo bakina amahirwe akabageraho, bagatsindira ibihembo nk’ibi.”

Uwanyirigira yavuze ko yatsindiye iyi moto afite amanota asaga miliyoni ebyiri, akaba yari amaze gukoresha amafaranga ibihumbi 45 by’amanyarwanda.

Umukozi wa Airtel Rwanda, Gatera Happy yavuze ko Airtel yifuriza abanyarwanda ibyiza ari yo mpamvu izana gahunda nk’izi zihindura ubuzima bw’abakiliya bayo. Yakomeje avuga ko iyi moto ari iya karindwi muri 12 zizatangwa, hakaba hasigaye izindi eshanu.

Igihembo nyamukuru ni imodoka nshya ya Toyota Avanza ifite imyanya irindwi, ikazatwarwa n’umunyamahirwe uzahiga abandi ku mpera y’iri rushanwa.

Iri irushanwa rikozwe mu buryo bw’ibibazo byo gusubiza kugira ngo uhatana yegukane moto ndetse n’imodoka nshya. Icyo umukiliya asabwa ni ukohereza ubutumwa bugufi yandika “1” akohereza kuri 155 cyangwa agahamagara 155 akaba yinjiye mu irushanwa agatangira gusubiza ibibazo.

Buri mukiliya ahabwa amanota 100 kuri buri gisubizo nyacyo, uwakinnye wese azajya ahabwa inyongera y’amafaranga 11 kuri SMS azajya akoresha yohereza ubutumwa Airtel kuri Airtel.

Uwanyirigira Jeanne ashyikirizwa moto yatsindiye
Gatera Happy yavuze ko Airtel yifuriza abanyarwanda ibyiza ari yo mpamvu izana gahunda nk’izi zihindura ubuzima bw’abakiliya bayo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza