Umunyonzi w’i Ngoma yatomboye moto muri ‘Airtel Tunga’

Yanditswe na Thamimu Hakizimana
Kuya 30 Ugushyingo 2017 saa 05:57
Yasuwe :
0 0

Baragirwanimana Francis wo mu Murenge wa Murama, Akarere ka Ngoma, utunzwe no gutwara abagenzi ku gare (umunyonzi), niwe watsindiye moto ya 11 muri 12 ziri guhatanirwa muri gahunda ya ‘Airtel Tunga’.

Kuri uyu wa Kane tariki ya 30 Ugushyingo 2017, ni bwo uyu munyonzi yashyikirijwe moto ye yatsindiye.

Ubwo yashyikirizwaga iyi moto, yavuze ko yishimiye kuba ayegukanye kuko igiye kumukura mu cyiciro cy’abanyonzi ikamushyira mu cy’abamotari.

Yagize ati “ Nishimye cyane kandi cyane kubera ko ngiye kuva mu bunyonzi nkaba umumotari kuko maranye umwaka ibyangombwa binyemerera kuyitwara ariko nari narabuze amahirwe na make yo gutunga moto.”

Akomeza avuga ko agiye guhita ayishyira mu ishirahamwe ry’abamotari, agahita ahite atangira kuyibyaza umusaruro.

Yasobanuye ko yatsindiye iyo moto nyuma yo kugira amanota asaga miliyoni, yagezeho akoresheje ibihumbi 65 Frw.

Umukozi wa Airtel Rwanda, Gatera Happy yasabye abafatabuguzi b’iyo sosiyete y’itumanaho gukomeza kugerageza amahirwe kuko hasigaye indi moto n’imodoka nk’igihembo gikuru.

Yagize ati “Nibyo uyu munsi dutanze moto ya 11 ariko hasigaye imwe n’igihembo nyamukuru cy’imodoka y’ivatiri ya Toyota ku munyamahirwe uzayitsindira. Icyo tubashishikariza ni ukugura sim card ya Airtel ku mafaranga 500 gusa kugira ngo babe abanyamahirwe bashobora kwegukana ibyo bihembo.”

Umuntu wifuza kuba umunyamahirwe asabwa kohereza ubutumwa bugufi ku 155 cyangwa agahamagara 155, akaba yinjiye mu irushanwa agatangira gusubiza ibibazo kuko iyi gahunda ikoze mu buryo bw’ibibazo.

Buri mukiliya ahabwa amanota 100 kuri buri gisubizo nyacyo ariko uwakinnye wese ahabwa inyongera y’amafaranga 11 ku butumwa bugufi azajya yohereza akoresheje Airtel kuri Airtel.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza