Bafite ikibazo cyo kudahabwa inyemezabuguzi nyazo

Bafite ikibazo cyo kudahabwa inyemezabuguzi nyazo


Yanditswe kuya 2-04-2012 - Saa 17:00'

Abakozi b’Ikigo cy’Igihugu gishinzwe imisoro n’amahoro (Rwanda Revenue Authority) baratangaza ko kwanga gutanga imyemezabuguzi (facture) ari imwe mu nzira zo gukora ubucuruzi mu buryo bwa magendu kandi ngo ubu buryo bukaba butemewe n’amategeko.

Mu gushimangirea iyi ngingo Gakwerere Jean Marie Vianney, umukozi ushinzwe guhugura abasora, avuga ko iki kigo nta ruhare na ruto kiba cyagize kugira ngo abagurirana badahana imyemezabuguzi. Ati: “Iyo umukiriya ari kugurira umucuruzi nta wundi baba bari kumwe, yaba uwa RRA cyangwa uw’akarere runaka”.

Ku ruhande rw’abacuruzi Nkurikiye Eugene yavuze ko kenshi iyo bagiye kurangura mu Mujyi wa Kigali cyane ko abenshi ariho barangura; abacuruzi bemera kubaha imyemeza buguzi ari bacye cyane, yerekanye ko nk’iyo ugiye kurangura ahantu ukabasaba inyemezabuguzi (facture), bahita bakwaka ibyo wari ubaranguriye bakakubwira kujya aho bashobora kuyiguha.

Avuga kandi ko hari n’ubwo banga kubaha imyemezabuguzi zuzuye, bakabaha iziburaho amafaranga kugira ngo bagaragaze ko bacuruje amafaranga make, ati: “Hari ubwo urangura nk’ibintu bya miliyoni imwe ariko ugasanga bakwandikiye facture y’ibihumbi 800 gusa”.

Aha abacuruzi baka basaba iki kigo ko cyajya kigira uruhare mu kurwanya ubucuruzi nk’ubu. Bakaba banavuga ko RRA ibatererana kuko batarabasha gukemura ikibazo cy’abacuruzi banga gutanga imyemezabuguzi.

Aha Gakwerere basubije ko niba bibaho bajya bahita bamenyekanisha abanze gutanga imyemezabuguzi kugirango bahabwe ibihano kuko ngo ari kimwe mu bidindiza iterambera ry’abakiriya babo, bo ubwabo ndetse n’igihugu, ndetse bigahamywa n’Umuyobozi w’akarere wungirije ushinzwe ubukungu, imari n’amajyambere, Uhagaze Francois avuga byaba byiza RRA ishyizeho abakozi bashinzwe kugenzura abaranguye ko bafite ibicuruzwa bigendanye n’imyemezabuguzi bihwanye kugirango habeho kuzuzanya.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO