Baratorwamo Rwiyemezamirimo w’icyamamare mu ishoramari ry’abakiri bato muri 2012

Baratorwamo Rwiyemezamirimo w’icyamamare mu ishoramari ry’abakiri bato muri 2012


Yanditswe kuya 17-11-2012 - Saa 12:56' na IGIHE

Ba Rwiyemezamirimo batatu bakiri bato b’Abanyarwanda, barahatanira igihembo giteza imbere ishoramari kandi bakageza ishoramari ryabo ku yindi ntera.

Ubwo ku mugoroba wo kuri uyu wa gatanu taliki ya 16 Ugushyingo Ishyo Arts Centre ku bufatanye na Educat batangizaga icyo bise ”Meet The Lion Cubs”, ni ukuvuga irushanwa mu bijyanye no guhanga imirimo, Teta Isibo mu mushinga ’Inzuki Designs’, Eric Gatera mu mushinga wo guhindura indimi na Martial Batangana ufite umushinga w’ikigo Sarura ukoresha telefoni igendanwa mu kubona amakuru ku bijyanye n’ubuhinzi n’ubworozi, ni bo batorewe guhatana bwa nyuma.

Hari hashize icyumweru ba rwiyemezamirimo icumi bakiri bato bahugurwa ku buryo bwo guhanga umurimo no guteza imbere ishoramari, aba batatu bakaba bavuye muri abo icumi.

Aba bashoramari icumi bahugurwaga ku bufatanye bw’ikigo Educat, cyabahaye ubumenyi ku guteza imbere ishoramari.

Aba batatu barabonekamo uwa mbere kuri uyu wa gatandatu, abe "Rwiyemezamirimo w’icyamamare mu ishoramari ry’abakiri bato mu Rwanda mu mwaka wa 2012."

Uwa mbere ateganyirijwe ibihembo birimo miliyoni ebyiri z’amafaranga y’u Rwanda ahabwa na Banki y’Abaturage y’u Rwanda, akanahabwa ahantu ho gukorera umushinga we mu gihe cy’amezi atandatu ndetse agahabwa n’umufasha mu guteza imbere umushinga we muri icyo gihe.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO