Bimwe mu byafasha rwiyemezamirimo w’Umunyarwanda

Bimwe mu byafasha rwiyemezamirimo w’Umunyarwanda


Yanditswe kuya 24-04-2012 - Saa 21:28'

"Rwiyemezamirimo mwiza kandi ushaka kujyana n’aho igihe kigeze ahora yihugura". Ibi David Ormesher Ibi yabitangarije IGIHE kuri uyu wa Kabiri mu mahugurwa ya ba rwiyemezamirimo b’ejo hazaza 99 bo muri aka Karere.

Nk’uko David Ormesher yakomeje abivuga, iyo wiyemeje kuba rwiyemezamirimo bisaba guhora wiga kugirango umenye imikorere y’abandi.

Yagize ati :” Intego twese abari muri aya mahugurwa duhuriyeho ni ukuzamuka tukava ku rwego turiho mu mikorere yacu tukajya ku rwisumbuyeho, turi hano kugirango tumenye uburyo butandukanye bwo gukuraho imbogamizi duhura nazo mu mikorere yacu”.

Nk’uko David Ormesher yakomeje abivuga, Abanyarwanda ni abantu bazi gukora kandi bigishwa bakumva. Ati :” Ubwo mperuka hano mu kwezi kwa mbere nabigishije isomo rijyanye no kugira gahunda mu mikorere yabo ariko natangajwe n’aho buri umwe yazanye gahunda ye yakurikije mu gihe kingana n’amezi atatu ashize ndetse ugasanga yaragiye yandika ku ruhande imbogamizi yahuye nazo mu mikorere ye”.

Abitabiriye aya mahugurwa ni abantu bafite ibikorwa mu bice bitandukanye by’igihugu. Baganira na IGIHE, bose bahurije ku kuvuga ko iterambere ryabo ndetse n’iry’igihugu cyabo bibari mu maboko, ko kandi muri aya mahugurwa biga uburyo butandukanye bwo kwiteza imbere kandi umusaruro ukaba ugenda uboneka.

Aya mahugurwa aba buri gihembwe akaba yaratangiye ahagana mu mwaka 2009. Kuri ubu mu Rwanda abakurikirana aya mahugurwa bagabanije mu matsinda abiri.

David Ormesher, rwiyemezamirimo w'Umunyamerika uhugura ba Rwiyemezamirimo b'Abanyarwanda
Ba rwiyemezamirimo baba bashishikaye ariko bafata na note kubyo bize
David Ormesher ategereje ko abazwa n'abanyeshuri be ibyo batumvise
Nyuma yo gukurikirana isomo bungurana ibitekerezo kubyo bize
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO