Kigali: Inyubako yahoze ikoreramo Ambasade ya Amerika igiye gusenywa

Yanditswe na Rene Anthere Rwanyange
Kuya 2 Gashyantare 2013 saa 04:32
Yasuwe :
0 0

Umujyi wa Kigali wafashe icyemezo cyo gufunga inyubako y’Ikigo cy’Igihugu cy’Ubwishiginzi (RSSB) yari isigaye ikorerwamo n’abantu batandukanye, nyuma y’uko iki kigo kidakoze ibyo cyasabwaga ngo kihubake umuturirwa ujyanye n’igishushanyo mbonera cy’umujyi.
Iyi nzu yigeze gucumbikwamo na Ambasade ya Leta Zunze Ubumwe za Amerika mu Rwanda, kuva muri Nzeri 2011 Umujyi wa Kigali wandikiye RSSB usaba ko yasenywa hakubakwamo ikurikije igishushanyo mbonera cy’Umujyi.
Nk’uko bitanganzwa na The New (...)

Umujyi wa Kigali wafashe icyemezo cyo gufunga inyubako y’Ikigo cy’Igihugu cy’Ubwishiginzi (RSSB) yari isigaye ikorerwamo n’abantu batandukanye, nyuma y’uko iki kigo kidakoze ibyo cyasabwaga ngo kihubake umuturirwa ujyanye n’igishushanyo mbonera cy’umujyi.

Iyi nzu yigeze gucumbikwamo na Ambasade ya Leta Zunze Ubumwe za Amerika mu Rwanda, kuva muri Nzeri 2011 Umujyi wa Kigali wandikiye RSSB usaba ko yasenywa hakubakwamo ikurikije igishushanyo mbonera cy’Umujyi.

Nk’uko bitanganzwa na The New Times dukesha iyi nkuru, RSSB ngo ntiyubahirije ibyasabwaga bituma ku wa 15 Mutarama Umujyi wa Kigali wongera kwandikira icyo kigo ugisaba kwimura abantu bakorera muri iyo nzu, hagakorwa ibyasabwaga.

Bruno Rangira ushinzwe itangazamakuru akaba n’umuvugizi w’Umujyi wa Kigali yatangaje ko mu gihe iki kigo kitubahirije ibyo cyasabwaga, Umuyobozi ushinzwe umurimo mu mujyi wa Kigali, Munyentwali Régis yafunze iyo nyubako asaba abahakorera gushaka ahandi bakwimukira.

Moses Kazoora, ushinzwe itumanaho muri RSSB yavuze ko abakorera muri iyo nzu basanzwe bazi ko bakodesha by’igihe gito nk’uko byagaragaraga mu masezerano bari bafitanye ku buryo bari bazi ko mu gihe RSSB yaba ibonye uburyo bwo gushyira mu bikorwa igishushanyo cyasabwaga, bagombaga guhita bimuka; ariko barimo kuvugana n’Umujyi wa Kigali ku kibazo cy’abakiliya babo.

Iki kibanza kirimo iyi nzu giherereye mu karere ka Nyarugenge, Umurenge wa Nyarugenge, Akagari ka Kiyovu gifite nomero 1240.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza