Mukarugema  yashyikirijwe inzu yatomboye muri

Mukarugema yashyikirijwe inzu yatomboye muri "Birahebuje na Airtel"


Yanditswe kuya 2-04-2013 - Saa 15:22' na Marie Chantal Nyirabera

Sosiyeti y’itumanaho ya Airtel yashyikirije inzu ya miliyoni 70 Mukarugema Afissa, wo mu karere ka Musanze, yatomboye muri “Birahebuje na Airtel”, kuri uyu wa kabiri tariki ya 2 Mata 2013.

Mukamugema wavutse mu 1956, ari kumwe n’umufasha we Nziza Safari wavunitse ukuguru, abana n’abuzukuru be, mu byishimo byinshi batambagijwe inzu y’igorofa yatomboye, yubatse mu mudugudu wa Kabuga , ” Kabuga Real Estate”, mu murenge wa Rusororo mu Karere ka Gasabo.

N’ibyishimo, Mukarugema amaze gushyikirizwa imfunguzo yavuze ko iyi nzu ari impano y’Imana ko azayituriramo n’umuryango we, ati “Ndashimira iyi mpano Imana impaye, impojeje amarira y’ibibazo nari mfite by’uburwayi, urakoze Mana ukomeze uduhe umugisha, ngushimiye ibyo unkorera byose.Iyi nzu ndateganya kuzayibamo kuko ni impano Imana yampaye,nta kindi kintu nteganya kuyikoreshwa”.

Iyi nzu ifite ibyumba byinshi byo kuraramo, uruganiriro runini, igikoni, ubwogore n’ubwiherero bwa buri cyumba, inzu y’umukozi hanze, n’ubusitani bunini.

Mukarugema yavuze ko adahita ayimukiramo, ngo agiye gusahaka ukodesha aho babaga, maze n’abana be bakodeshaga mu Mujyi wa Kigali bajye bataha muri iyo mpano batomboye muri Birahebuje na Airtel.

Mukarugema avuga ko atazi ingano y’amafaranga yakoresheje agura amakarita ya Airtel kugira ngo asekerwe n’amahirwe yo kwegukana igihembo gikuru muri Birahebujena Airtel.

Avuga ko yahamagaraga bisanzwe, avugana kenshi n’abana be ababwira uburwayi bwa papa wabo wavunitse, agakunda kubahamagara akoresheje Airtel; Yahamagaraga uwiga mu Buhinde, uwiga mu Bwongereza n’uri mu Bushinwa.

Akimara gutombora iyi nzu benshi bamubajije niba nta rindi banga rindi yakoresheje, ati” Njye nta n’umukozi wa Airtel nari nzi, n’uwampamagaye ni umuhanzi (King James) namubonaga ku mashusho!”.

Avuga ko atabanje kubyemera, gusa ngo yabibonye mu bitangazamakuru abona kubyemera neza.

Abana b’uyu mubyeyi bari bazanye nawe kuyishyikirizwa, bishimye cyane, n’amarira y’ibyishimo bazengurukaga ibyumba, bamwe bavuga ko bagomba guhita baza kubamo.

Umuyobozi Mukuru wa Airtel Rwanda, Marcelin Paluku yamuhaye imfunguzo z’inzu, ati “Mbifurije umugisha no kuzagubwa neza muri ino nzu.”.

Umuyobozi wa Airtel, Marcelin Paluku na Mukarugema mu itahwa ry'inzu
Yasinyiye inzu yatomboye muri Birahebuje
Bishimye bararira
Umuryango wa Mukarugema

Indi nkuru bifitanye isano:http://www.igihe.com/ubukungu/ubucuruzi/mukarugema-afissa-yatomboye-inzu-muri-birahebuje-muri-aairtel.html

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO