Muri tombola ya ECOBANK, Umutesi yegukanye imodoka ya miliyoni 22

Muri tombola ya ECOBANK, Umutesi yegukanye imodoka ya miliyoni 22


Yanditswe kuya 9-01-2013 - Saa 14:33' na Marie Chantal Nyirabera

Mu gusoza tombola yari imaze amezi ane muri gahunda zo gushishikariza abakiriya ba Ecobank kwizigamira, umunyamahirwe yabaye Umutesi Beatrice watomboye imodoka ya HYUNDAI ifite agaciro kaa miliyoni 22.

JPEG

JPEG - 63.4 ko
Ecobank ishyikiriza Umutesi Beatrice imodoka yatomboye

Umutesi n’ibyishimo byinshi, yavuze ko ari igisubizo cy’isengesho rye, anakesha Igihugu kiza kirimo umutekano, amahoro n’imikorere myiza ya Ecobank. Ati”njye nsanzwe ndi umukiriya wa Ecobank kuva muri 2000, mbitsamo. Kuba natomboye iyi modoka ni igitangaza cy’ Imana kuko byabaye maze iminsi 40 mu masengesho nsaba Imana imodoka nziza yo gukoresha umurimo wayo, none yansubije ibinyujije muri ECOBANK”.

Kugira ngo atombore imodoka muri Ecobank, Umutesi avuga ko nta rindi banga yakoresheje uretse kuba abitsa akanabikuza muri iyi banki.

Mu bihembo byatanzwe muri tombola ya Ecobank si imodoka gusa. Dorreen Mabethienne, ushinzwe ubucuruzi no kumenyekanisha ibikorwa bya Ecobank ati ”Iki gikorwa cyatwaye amafaranga asaga miliyoni 48, kuko twagiye duhemba n’abandi mu byiciro bibiri byabanje, bahawe za telefone, firigo n’ibindi.”

Abandi batomboye mudasobwa

Mabethienne avuga ko tombola yakoranywe ubushishozi, nta mukozi wa banki, umunyamigabane cyangwa uwo mu muryango w’abakoramo wagiye muri iyi tombola, yari iy’abakiriya ba banki.

Gilles Gerard, Umuyobozi Mukuru wa Ecobank Rwanda Ltd, yavuze ko biri muri gahunda zo gushishikariza umuco wo kwizigamira , bakiteganyiriza nk’uko bahora babishishikarizwa na Leta.

Gilles avuga ko umuturage ubikije abasha kubona serivise za banki, zirimo inguzanyo bikamufasha mu kwiteza imbere.

Akomeza avuga ko tombola yatumye babona abakiriya 3000 bashya, binjiza amafaranga asaga miliyoni 500 mu mezi ane.

Abatomboye mu cyiciro cya mbere n’icya kabiri bagombaga kuba bafite amafaranga ibihumbi 60 kuri konti, mu cya 3 n’icya kane bahawe ibihembo none, bo bagombaga kuba bafite kuri konti zabo amafaranga atari mu nsi y’ibihumbi 200.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO