Nyarugenge: Inyanya zicuruzwa mu isoko zituruka muri Uganda

Nyarugenge: Inyanya zicuruzwa mu isoko zituruka muri Uganda


Yanditswe kuya 4-02-2013 - Saa 14:31' na Christophe Hitayezu

Mu isoko rikuru ry’Umujyi wa Kigali riherereye mu Karere ka Nyarugenge, igiciro cy’inyanya kiyongereye kubera ibura ryazo mu Rwanda kuko izicuruzwa zisigaye ziva hanze, byatumye igiciro kimaze kuzamukaho hafi 25% muri aya mezi abiri.

Umukamisha Adeline, umwe mubacuruzi b’imboga muri iri soko, yatangarije IGIHE ko ibiciro by’inyanya byazamutse kuva mu mpera z’umwaka ushize, aho mu ntangiriro z’Ukuboza 2012 agasanduku baranguriraho bagafatiraga amafaranga y’u Rwanda ibihumbi mirongo itatu (30.000F) ariko ubu kakaba kageze ku bihumbi mirongo ine (40.000F). Ati "ubu inyanya ducuruza n’iziva muri Uganda, ni yo mpamvu igiciro cyazo cyazamutse.”

Mukakalisa Adelphine, umwe mu bahahaga inyanya yatangarije IGIHE ko ibi biciro byazamutse kuva mu myiteguro y’iminsi mikuru akagira ngo ni yo mpamvu ariko akaba abona na n’ubu bitarongera kumanuka.

Abacuruzi baganiriye na IGIHE bose bagiye batangaza ko ibura ry’inyanya mu Rwanda ari uko atari k’umwero wazo, ariko na bo bakayoberwa impamvu muri Uganda baba bazejeje.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO