Kwamamaza

Televiziyo y’u Rwanda ibonye mukeba

Yanditswe kuya 17-11-2012 saa 19:04' na Vénuste Kamanzi
     


Ubwo televiziyo mpuzamahanga y’Abahinde -CNBC yibanda cyane cyane mu gutangaza amakuru y’ubukungu yafunguraga imiryango mu Rwanda, kuri uyu wa gatanu muri Serena Hotel, yabimburanye no guhata ibibazo abayobozi batandukanye b’u Rwanda bafite aho bahuriye n’ubukungu bw’igihugu ku ngamba bafite zo kurushaho kuzamura ubukungu.
Ikiganiro cyiswe Grow Rwanda cyari kiyobowe na Godfrey Mutizwa umwanditsi mukuru wa CNBC Africa, cyari cyatumiwemo Minisitiri w’imari n’igenamigambi John Rwangombwa, Claire (...)

Ubwo televiziyo mpuzamahanga y’Abahinde -CNBC yibanda cyane cyane mu gutangaza amakuru y’ubukungu yafunguraga imiryango mu Rwanda, kuri uyu wa gatanu muri Serena Hotel, yabimburanye no guhata ibibazo abayobozi batandukanye b’u Rwanda bafite aho bahuriye n’ubukungu bw’igihugu ku ngamba bafite zo kurushaho kuzamura ubukungu.

Ikiganiro cyiswe Grow Rwanda cyari kiyobowe na Godfrey Mutizwa umwanditsi mukuru wa CNBC Africa, cyari cyatumiwemo Minisitiri w’imari n’igenamigambi John Rwangombwa, Claire Akamanzi Umuyobozi mukuru w’ikigo cy’igihugu cy’iterambere (RDB), Mbundu Faustin umuyobozi w’urugaga rw’abikorera, Gatete Claver Umuyobozi wa Banki nkuru y’u Rwanda (BNR) na Sanjeev Anand, Umuyobozi Mukuru wa banki y’ubucuruzi y’u Rwanda.

Aba batumirwa bagiye bagaragaza zimwe mu ngamba Leta y’u Rwanda yihaye mu rwego rwo kurushaho kuzamura ubukungu bw’u Rwanda zijyanye ahanini n’icyerekezo 2020, biciye muri gahunda zitandukanye nk’iy’imbaturabukungu (EDPRS), gukorana neza n’inzego z’abikorera, korohereza abashaka kwihangira imirimo n’ibindi.

Godfrey Mutizwa yagaragaje akenshi ko muri Afurika usanga bigoye kubona amafaranga yo gutangira kwikorera kuko usanga amabanki asaba ibintu byinshi kugira ngo aguhe inguzanyo, ndetse abaza aba batumirwa icyo u Rwanda rukora kugira ngo rworohereze Abanyarwanda.

Minisitiri Rwangombwa asubiza iki kibazo yatangaje ko korohereza abantu kwihangira imirimo mu rwego rwo kongera imirimo mu gihugu ari imwe mu nkingi ya gahunda mbaturabukungu (EDPRS).

Yagize ati “Dufite ikigega kigamije kongerera Abanyarwanda ubushobozi n’ubumenyi mu byerekeye kwihangira imirimo, kandi kigashyigikira imishinga. Tuzi neza ko ari byo bizatuma tubasha gusezerera ubukene.”

Claver Gatete umuyobozi wa BNR asubiza kuri iki kibazo yavuze ko imiryango ifunguye kuri buri mu nyarwanda wese kandi hashyizweho gahunda nyinshi zo korohereza abanyarwanda kuba babona inguzanyo biboroheye, cyane cyane urubyiruko n’abagore, binyuze mu makoperative nka za SACCO n’andi.

Umuyobozi wungirije ushinzwe CNBC Africa, ayitangiza ku mugaragaro mu Rwanda yatangaje ko bagiye gushyira ingufu mu guhugura n’abanyamakuru kuko gutangaza neza inkuru z’ubukungu bidakorwa n’umunyamakuru wese ubonetse kandi ko batagiye guhagararira mu gutangaza amakuru gusa, ahubwo bagiye no kwagura imipaka bashore imari no mu zindi nzego nko mu burezi n’ahandi.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved