Kwamamaza Tigo_ P2P

U Rwanda rufite umuvuduko udasanzwe mu kohereza ibicuruzwa mu mahanga

Yanditswe kuya 3-04-2013 saa 08:48' na Eugenie Umuhoza
     


Banki Nkuru y’u Rwanda itangaza ko mu rwego rwo kohereza ibicuruzwa mu mahanga hari umuvuduko udasanzwe kuva mu ntangiriro z’umwaka wa 2013.
Mu ntangiriro z’uyu mwaka ngo iyo urebye ingano n’agaciro by’ibijyanwa gucururizwa hanze usanga byariyongereye cyane mu mezi abiri ya mbere y’umwaka.
Nk’uko igitangazamakuru Afrique 7 kibitangaza, Guverineri wa Banki Nkuru y’u Rwanda, John Rwangombwa yasobanuye ko agaciro k’ibyoherezwa mu mahanga kiyongereyeho 18,4%, na ho ingano yabyo yo yiyongereyeho (...)

Banki Nkuru y’u Rwanda itangaza ko mu rwego rwo kohereza ibicuruzwa mu mahanga hari umuvuduko udasanzwe kuva mu ntangiriro z’umwaka wa 2013.

Mu ntangiriro z’uyu mwaka ngo iyo urebye ingano n’agaciro by’ibijyanwa gucururizwa hanze usanga byariyongereye cyane mu mezi abiri ya mbere y’umwaka.

Nk’uko igitangazamakuru Afrique 7 kibitangaza, Guverineri wa Banki Nkuru y’u Rwanda, John Rwangombwa yasobanuye ko agaciro k’ibyoherezwa mu mahanga kiyongereyeho 18,4%, na ho ingano yabyo yo yiyongereyeho 24,4%.

Ku byerekeye amabuye y’agaciro, Rwangombwa agira ati "Amabuye y’agaciro yakomeje kuza ku isonga mu kwinjiza amadovize mu gihugu, kuko yiyongereyeho miliyoni 19,9 z’ amadorari ya Amerika. Ibyo kandi bigaragazwa n’uko umwaka ushize ibyoherezwa mu mahanga byashoboye kwinjiza amadovize agera kuri miliyoni 22,5 y’amadorari y’Amerika.”

Yakomeje avuga ko kubigendanye n’ibihingwa byiyongera cyane, aho ikawa y’u Rwanda yiyongereyeho 72% ni ukuvuga angana na miliyoni 9,1 y’amadolari ya Amerika, mu gihe umwaka ushize yari miliyoni 5,3.

Ku byerekeye icyayi kigurishwa hanze mu mwaka ushize hinjiye amadovize afite agaciro ka miliyoni 12 z’ amadolari ya Amerika, na ho mu myaka icumi ishize igiciro cy’icyayi cyariyongereye cyane bikaba ari ikintu gishimishije ku bihugu bicyohereza hanze byo muri Afurika y’Iburasirazuba.

Muri iki gihe igiciro cy’ikiro cy’icyayi kigeze ku mafaranga agera kuri 1800 y’u Rwanda mu gihe mu myaka icumi ishize yageraga kuri 450.

Afurika ifata ikigereranyo cya 15% cy’icyayi cyoherezwa hanze kandi ikaba izwi cyane ku kugira icyayi cyiza gikundwa by’umwihariko ku mugabane w’u Burayi.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved