Urugaga IRVP rubangamiwe n’abaruvangira mu kazi

Urugaga IRVP rubangamiwe n’abaruvangira mu kazi


Yanditswe kuya 18-11-2012 - Saa 15:24' na Abdou Nyampeta

Abagize urugaga rw’abakora umwuga w’igenagaciro ku mutungo utimukanwa, bavuga ko babangamiwe n’abivanga mu mirimo yabo nyamara ari bo bonyine bemerewe gukora ako kazi nkuko itegeko ribibahera ububasha.

Ibyo byatangajwe kuwa Gatanu, tariki ya 17 Ugushyingo 2012, na Gatsirombo Egide, Perezida w’Inama y’Ubutegetsi w’Urugaga IRPV (Institute of Real Propery Valuers in Rwanda) mu kiganiro n’abanyamakuru.

Gatsirombo agira ati ’’Kuva Leta y’u Rwanda yashyiraho itegeko riha uburenganzira Urugaga rwo gukora iyo mirimo, haracyari abantu bahoze bakora mu nzego za Leta bari bashinzwe ako kazi bagikomeje kugakora ariko babangamira imikorere yacu, ibyo bigomba guhagarara kuko binyuranije n’itegeko.’’

Nk’uko akomeza abivuga, indi mbogamizi bahura nayo, n’uko hari bamwe mu bakozi batanga amaoso ya Leta, bajijisha bakavuga ko ari ku rweho mpuzamahanga bayaha abaturutse hanze, nabo baza ntibubahirize ibisabwa n’urugaga.

Munyabugingo Bonaventure, Umunyamabanga w’Inama y’Ubutegetsi w’Urugaga, avuga ko hakiri bamwe mu bakozi ba mabanki batonesha abagenagaciro bamwe nyamara abagize urugaga bagomba kugira amahirwe angana ku isoko.

Munyabugingo avuga ko imirimo yo kugena agaciro yabanje gukorerwa muri Banki Nkuru y’u Rwanda, nyuma amabanki n’uturere bishyiriraho abakozi babo, ariko ubu kazi kagomba gukorwa n’Urugaga gusa.

Urugaga rushinzwe kugena agaciro abashaka inguzanyo mu ma banki , ingurane mu iyimurwa ry’abantu, guteza cyamunara n’ibindi.

Urugaga ryashyizweho n’itegeko numero 17/05/2010 ryo kuwa 12 Gicurasi 2010 risohoka mu igazeti ya Leta yo ku itariki ya 17 Gicurasi 2010.

Mu byo urugaga rumaze kugeraho, hari uguha akazi Abanyarwanda no kubunganira mu ibarura ry’imitungo yabo.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO