Kwamamaza

Musanze: SAHAM yatangije ubwiteganyirize bwiswe ’Imaragishyika’

Yanditswe kuya 8-10-2016 saa 12:57' na [email protected]


Sosiyete y’Ubwishingizi ya SAHAM ku bufatanye n’ikigo cy’Imari iciriritse, RIM yatangije ubwiteganyirize bwiswe Imaragishyika, ishishikariza abantu kugira ubwiteganyirize buzabafasha mu gihe cy’amakuba cyangwa bageze mu zabukuru bitabasabye kuba bafite ubukungu buhambaye.

Ubu bwiteganyirize bugenewe abakorana na RIM na sosiyete y’ubwishingizi SAHAM aho ubugenewe atanga umusanzu w’amafaranga 500, 1000 cyangwa 1500 buri kwezi, bitewe n’ubwo ahisemo, mu gihe agize ubumuga bwa burundu cyangwa yitabye Imana akazajya ahabwa hagati y’ibihumbi 500 na miliyoni y’amafaranga y’u Rwanda.

Gatera Damien, Umuyobozi mukuru wa RIM yagize ati “Nkatwe RIM twahisemo gukorana na SAHAM kuko basobanutse kandi bafite serivisi zihendutse, ni yo mpamvu natwe dukorana na bo dufatanya kwegereza abakiliya bacu iyi serivisi”.

Bamwe mu bitabiriye ubu bwiteganyirize bavuga ko buzabafasha gukora imirimo yabo nta gishyika bafite.

Nyirabageni Belancille ukoresha isuku mu mujyi wa Musanze yagize ati: “Nanezerewe pe! Nkanjye wirirwa mbisikana n’imodoka mba ngomba kwiteganyiriza hakiri kare ngo ejo ngize icyo mba RIM ku bufatanye na SAHAM bazahite banyitaho. ’’

Nshimiyimana Daniel, umushoferi mu karere ka Musanze Yagize ati, "Dufata ubwishingizi bw’ibinyabiziga tukibagirwa ubw’ubuzima bwacu kandi ari bwo bufite agaciro."

Niyonkuru Mireille, Umukozi wa Saham, avuga ko banejejwe n’uburyo abaturage ba Musanze bakiriye iyi gahunda kuko basobanuriwe bagahita bafata umwanzuro wo gukoresha serivisi y’ubwiteganyirize bw’urupfu n’ubumuga bwa burundu.

Yagize ati “Birashimisha gusobanurira abantu bagahita bafata umwanzuro wo kugana serivise izabafasha ejo hazaza kuko ntawe umenya uko bizaba bimeze.”

Iyi Sosiyete ivuga ko igipimo cy’ubwiteganyirize ku banyarwanda kiri hasi kandi umubare munini usanga ari abakozi bafite akazi bahemberwa ku kwezi, gusa ngo aya mahirwe akazafasha abantu bose bifuza gutanga umusanzu wabo.

Abaturage bari gushyira umukono ku masezerano agenga ubwishingizi kurupfuno ku bumuga bwa burundu.
Abaturage basobanuriwe iby'iyo gahunda
Abayobozi bakuru ba SAHAM

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved