Kanombe: Abanyamuryango ba

Kanombe: Abanyamuryango ba "Twuzuzanye" bagaragarijwe ko umutungo wabo ugihari


Yanditswe kuya 11-01-2013 - Saa 08:10' na Emmanuel Kanamugire

Mu gihe bamwe mu banyamuryango b’ishyirahamwe “Twuzuzanye” ry’abakoreraga mu isoko rya Kabeza mu Murenge wa Kanombe batangaga amakuru y’uko umutungo wabo ugera kuri miliyoni 12 batazi aho uherereye, Mukayiranga Esther wari umubitsi w’iri tsinda yagaragaje ko aya mafaranga nta kibazo yagize.

Ku gicamunsi cyo kuri uyu wa kane tariki ya 10 Mutarama 2013, Mukayiranga yagarabgarije abanyamuryango ba “Twuzuzanye” ko amafaranga ahari, abereka udutabo twa banki tw’iri tsinda.

Abagize itsinda Twuzuzanye ubusanzwe bari bafite impungenge ko amafaranga yabuze nk’uko bigaragara mu nkuru yari yanyuze kuri igihe.com, ariko ibi byabagaruriye icyizere ko ntaho yagiye.

Imbere y’Umunyamabanga Nshingwabikorwa w’Akagari ka Kabeza Komanda Gaston, Mukayiranga yagaragaje ko umutungo w’Itsinda ungana na 12 816 000 uhari uko wakabaye.

Yavuze ko aya mafaranga atari yanyerejwe nk’uko byatekerezwaga, ahubwo ko yari abitse muri Koperative ya COPEDU yari isanzwe ikorana n’iri tsinda.

Kuri uyu munsi kandi buri munyamuryango yagaragarijwe amafaranga yari amaze kugezaho kandi hari gahunda y’uko ubishatse ahabwa uburenganzira bwo kujya kuyabikuza.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO