Abaganga b’impuguke bagiye gufasha abafite indwara zanananiranye binyuze mu kuyobora ibitekerezo

Yanditswe na IGIHE
Kuya 5 Ugushyingo 2017 saa 04:58
Yasuwe :
0 0

Inama mpuzamahanga ku kuyobora ibitekerezo hagamijwe gukira indwara zitandukanye zirimo n’iziba zaremejwe ko zidakira, igiye kubera i Kigali kuri uyu wa 6 Ugushyingo, muri Hotel Chez Lando.

Iki gikorwa ni kimwe mu rukurikirane rw’ibindi mpuzamahanga bigirwamo uruhare n’abaganga n’impuguke bakoresha uburyo bwo kuyobora ibitekerezo mu bintu byiza, Groupe médico-scientifique spécialisé (MWF) bo mu ihuriro Cercle des amis de Bruno Gröning.

Iki gikorwa cyatumiwemo abantu bose babishaka, barimo abakeneye ubufasha n’ubuvuzi butangwa n’abo baganga barimo Dr Vogelsberger wo mu Budage, uzagaragaza ibimenyetso bifatika bishingiye ku buhamya bw’abakize kubera ubu buvuzi abantu benshi batarasobanukirwa.

Ubwo buvuzi butangwa mu buryo bw’umwuka, aho umuntu yiremamo imbaraga zikiza, bigatanga kuruhuka imibabaro iterwa n’indwara ziba zaremejwe n’abaganga basanzwe ko zidakira.

Muri ubu buvuzi bwihariye usanga hari abantu benshi bakira indwara, nyamara nyuma yo kubasuzuma inshuro nyinshi mbere, baba barabwiwe ko badashobora gukira.

Dr Vogelsberger azanatanga ikiganiro kigaragaza uburyo umuntu ashobora gukira bitewe n’imyemerere afite muri ako kanya. Muri iyo nama kandi, azanagaragariza abayitabira uburyo bwo kwiremamo ibyo bitekerezo byuzuye imbaraga zikiza.

Uwo muganga agaragaza ko n’indwara zifata umubiri zikomeye zishobora gukira kandi mu buryo burambye.

Iryo tsinda ry’abaganga b’inzobere (Le Groupe médico-scientifique spécialisé, MWF) rigizwe n’ibihumbi by’abaganga b’umwuga bishyize hamwe ngo batange ubuvuzi binyuze mu bikorwa by’ubugiraneza.

Ni ubuvuzi butifashisha imiti nk’ibinini nk’uko ubuvuzi busanzwe bumera, ariko abenshi babashije gukira indwara zirimo kutoroherwa n’ibintu bimwe na bimwe cyangwa kugira akababaro gakabije gaca umuntu intege mu buzima.

Muri Cercle des amis de Bruno Gröning no muri Groupe médico-scientifique spécialisé, nta nama z’ubuvuzi batanga, ngo bagusuzume cyangwa ngo basabe abantu kunywa imiti runaka.

Abo bahanga ariko nta n’umuntu babuza kwivuza mu baganga basanzwe, cyangwa ubundi buvuzi bushobora gukiza umuntu indwara.

Bruno Gröning, Umudage wahoze atanga ubuvuzi bwo mu buryo bw'umwuka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza