Ese porogaramu za telefoni zipima niba umuntu atwite zakwizerwa?

Yanditswe na Jean Pierre Tuyisenge
Kuya 11 Gashyantare 2017 saa 06:45
Yasuwe : XX
0

Abahanga mu bya Siyansi bavuga ko hagikenewe gukorwa ubushakashatsi bwimbitse kuri porogaramu zikoreshwa muri telefoni zifasha abantu kumenya igihe bashobora gusama.

Ibi bivuzwe nyuma y’aho hemejwe porogaramu imwe yitwa Natural Cycles ikora neza, mu buryo bwo gufasha abagore kuringaniza imbyaro, kuko ngo igaragaza neza amatariki y’uburumbuke.

BBC dukesha iyi nkuru ivuga ko mu 2015, inyigo yakozwe n’ivuriro rimwe yagaragaje ko iyo porogaramu ikora nk’ibinini bita Morning After Pills abagore banywa mbere yo gukora imibonano mpuzabitsina bagamije kwibuza gusama.

Ni porogaramu yerekana ubushyuhe buri mu mubiri, igihe umugore azaba ari mu gihe cy’uburumbuke n’itariki azagira mu mihango, iyo kandi igaragaza niba umugore ashobora gusama mu gihe yaba akoze imibonano mpuzabitsina igihe runaka.

Ibi bishobora gufasha abashakanye gufata icyemezo, bakamenya niba koko bashobora gukora imibonano mpuzabitsina idakingiye, gusa abahanga mu by’ubuzima bw’imyororokere bemeza ko n’ubwo izo porogaramu zishobora gufasha benshi kumenya ibijyanye n’uburumbuke bwabo, imiryango itatu yita ku buzima mu Bwongereza ivuga ko bidakwiye gushingirwaho.

Iyo miryango irimo itanga ubufasha bw’ubuvuzi mu bijyanye n’imyororokere FPA, ishuri ryigisha iby’imyororokere mu Bwongereza (FSRH) n’umwarimu wigisha amasomo ajyanye n’iby’imyororokere kuri kaminuza ya Oxford yo mu Bwongereza.

Bavuze ko porogaramu zo muri telefoni ziba zifite amategeko akakaye aba asabwa kubahirizwa kugira ngo bigire icyo bimarira uwazikoresheje.

Dr Cecilia Pyper wigisha iby’uburumbuke muri kaminuza ya Oxford mu Bwongereza, yavuze ko hakenewe gukorwa ubushakashatsi kuri izo porogaramu za telefoni.

Avuga ko kugeza ubu hari izipima uburumbuke n’ igihe umugore azagira mu mihango, nyamara nta koranabuhanga bashyizeho ryo kubigenzura kandi ziri guhinduka umunota ku munota.

‘Natural Cycles’ yamaze kwemezwa nka Porogaramu ishobora gufasha mu kwirinda gusama, bivuze ko ubu ishobora kwamamazwa nk’ubundi buryo bwo kuringaniza imbyaro.

Umwe mu bakoze iyo porogaramu witwa Dr Elina Berglund yagize ati “ Abagore hirya no hino ku Isi bashimishijwe no gukoresha uburyo bwo kuboneza imbyaro hadakoreshejwe ubusanzwe bwo kubatera imiti cyangwa kugira ibindi bintu babashyiramo."

‘Natural Cycles’, ni porogaramu ya telefone ishobora kwifashishwa mu kuboneza urubyaro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza