Abashakashatsi bemeje ko imbuga nkoranyambaga zifasha abantu kugabanya ibiro

Yanditswe na Tombola Felicie
Kuya 25 Ukuboza 2017 saa 08:14
Yasuwe :
0 0

Abashakashatsi muri Leta Zunze Ubumwe za Amerika bemeje ko imbuga nkorayambaga zigira uruhare mu gutuma abantu bafite umubyibuho ukabije babasha kugabanya ibiro igihe cyose barebye amafoto agaragaza umuntu uko yari ameze mbere na nyuma.

Urubuga rwita ku nkuru z’ubuzima Top Santé, rwanditse ko ubukangurambaga bukorerwa ku mbuga nkoranyambaga abantu baratirana uko batakaje ibiro mu mafoto n’amashusho butuma abazikoresha bafata umwanzuro nyuma yo gusanga hari abo byafashije bakagabanya ibiro byabo.

Nko nkuri Facebook usanga harimo amatsinda y’abantu bafite ikintu bahuriyeho, ay’abifuza kunanuka bagirana inama ndetse n’abafite ibibazo bibateye impungenge bakabibaza.

Ubushakashatsi bwakozwe na Kaminuza ya Amerika n’indi yitwa Loyola yo muri Leta ya Chicago bwemeje ko imbuga nkoranyamabaga zifasha.

Abashakashatsi bagize bati “Twavumbuye ko abantu babasha kugera ku ntego zo kugabanya ibiro, igihe cyose bahererekanya ayo makuru y’uburyo bishoboka.”

Uko umuntu arata mu buryo bw’amashusho cyangwa amafoto uko yabashije kugabanya ibiro agendeye ku nama n’imirire, akagaragaza uko yari ameze mbere n’uburyo asigaye ameze, abandi bifuza kubigeraho bagahita bagira umwete kuko biba bibaremyemo icyizere.

Kugira ngo bagere kuri uwo mwanzuro, ubushakashatsi bwakorewe ku matsinda abiri mu gihe cy’imyaka ine.

Itsinda rimwe ryari rigizwe n’abantu babazwe kubera umubyibuho ukabije naho irindi ryari rigizwe n’abantu babashije kugabanya ibiro kubera gukurikiza gahunda y’imirire n’ubujyanama.

Abashakashatsi basanze ko uburyo abantu bamwe batera umwete abandi wo kugabanya ibiro ku mbuga nkoranyambaga bigira umumaro ukomeye kuko usanga abandi babikurikiza kurenza kubabwira ngo uzajye kwibagisha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza