Amakosa benshi bakora iyo basukura mu kanwa

Yanditswe na IGIHE
Kuya 20 Ukuboza 2017 saa 07:42
Yasuwe :
0 2

Koza amenyi no gutunganya mu kanwa ni ibintu byumvikana nk’ibyoroheje ariko usanga hari abantu benshi babikora nabi. Birumvikana ko iyo bidakozwe mu buryo bwiza bwagenwe umuntu aba arimo kwikururira indwara n’ibindi byago.

Inkuru y’urubuga elcrema igaragaza uburyo abantu bakora amakosa mu gusukura mu kanwa.

-  Koza amenyo ushyizemo imbaraga nyinshi

Impamvu zituma umuntu yoza amenyo ashyizemo imbaraga nyinshi hari igihe aba aba akoresha uburoso bwashaje, akumva ko gushyiramo imbaraga aribyo bifasha gutuma amenyo acya neza.

Ubu buryo ntacyo bumara ahubwo bukobora ishinya maze iryinyo rigasigara rihagaze nta kintu kiryoroshe ndetse umuntu ashobora no kurwara indwara ziterwa n’umwanda kuko ishinya iba yakomeretse.

-  Gukoresha umuti uhumuza mu kanwa

Abacuruza imiti ikoreshwa mu guhumuza mu kanwa bakubwira ko ari uburyo bwiza bwo kurwanya impumuro mbi, ariko iyo ugenzuye neza usanga iyo miti itera mu kanwa kumagara.

Ibyo bituma mu kanwa hashobora kuva amaraso ndetse n’amenyo akangirika.

-  Kwirengagiza uburibwe bw’amenyo

Usanga abantu bamwe hari ibintu batitaho, ku buryo nk’umuntu amenyo amubabaza cyangwa se akagira ibibazo byo kuva amaraso mu menyo nka mu gitondo yarangiza akabyirengagiza.

Iyo wirengagije uburibwe bwo mu kanwa cyane ubw’amenyo hari ubwo bigira ingaruka zikomeye. Nubwo abantu iyo bumvise uburibwe bihutira gufata ibinini bibugabanya, ntabwo biba bikwiye kuko bisaba ko ujya kwa muganga w’amenyo kuko uburibwe bwo mu menyo butandukanye no kumva waribwa ahandi.

Kugira ngo uzajye kumva ubwo buribwe mu menyo hari urwego biba byagezeho bihereye mu mizi y’iryinyo.

-  Koza mukanwa ako kanya ukimara kurya

Nubwo hari amafunguro amwe ushobora gufata ugahita woza mu kanwa kugira ngo za microbe zidahita zitangira kuzamo ariko hari n’andi uba ugomba kwitonda ukamara isaha utaroza mu kanwa.

Kudahita woza mu kanwa ako kanya bifasha umuntu kudakobora amenyo kuko hari amafunguro umuntu afata, ku buryo amenyo ahita yoroha cyane maze wahita woza akangirika.

-  Gutinya abaganga b’amenyo

Abantu batinya kujya kwa muganga w’amenyo kugira ngo bataza guhura n’ububabare. Ushaka kugira ubuzima bwiza bwo mu kanwa ntabwo agomba gutinya ko ashobora guhura n’ububabare bukabije igihe agiye kwa muganga kuko aba yarabyize kandi azi ibyo akora.

Bitewe n’ikibazo ufite aba azi uburyo bwiza bwo kubigufashamo, ni byiza kugana abaganga kugira ngo ugire ubuzima bwiza bwo mu kanwa kuko amaherezo ushobora kujyayo warangiritse.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza