Impinduka ziba ku gitsina cy’umugabo uko agana izabukuru

Yanditswe na Evariste Nsengimana
Kuya 10 Mutarama 2017 saa 01:15
Yasuwe :
0 0

Mu buzima bwa muntu, uko imyaka yicuma ni nako agenda abona impinduka ku mubiri we kandi akenshi usanga nta wishimira ibimubaho mu gihe agana izabukuru.

Abahanga mu by’imikurire n’impinduka ku mubiri w’umuntu bavuga ko abantu benshi bamenya ko batangiye gusaza bagendeye ku mpinduka ziba ku mibiri yabo zirimo kugira imvi mu musatsi, kuzana uruhara, gutangira kuribwa ingingo zitandukanye z’umubiri ndetse no kuzana iminkanyari. Ku bagabo, igitsina nacyo kigerwaho n’izo mpinduka.

Nyuma yo kwakira abantu batandukanye Brian Steixner M.D, Umuyobozi w’Ikigo gishinzwe gukurikirana ubuzima bw’abagabo (Institute of Men’s Health for the Jersey Urology Group) mu bijyanye n’indwara zifata imyanya ndangagitsina yakusanije ibintu (impinduka )biba ku gitsina gabo mu gihe ageze mu zabukuru.

Twifashishije ikinyamakuru The mirror twakusanyije zimwe mu mpinduka zigaragara ku gitsina cy’umugabo ugenda agana mu zabukuru.

- Igitsina kigenda kiba gito

Kugabanuka kw’ingano y’igitsina cy’umugabo ahanini biterwa no gusaza k’uturemangingo twitwa "hearty cells" dusimburwa n’intungamubiri zirimo protéines zigaragara mu ruhu zizwi nka “collagen” tutabasha kwiyongera bikagira ingaruka mu igabanuka ry’igitsina gabo.

Aha ikintu gisigaye kiba gishoboka ni ugukora uko ushoboye ibiro bikagabanuka kuko uko byiyongera ingano y’igitsina igenda igabanuka.

- Igitsina gitangira kwihina

Uko umugabo agera mu zabukuru, niko igitsina cye kigenda cyihina bidaturutse kuri nyiracyo, yewe n’ibyo yakora ngo kigororoke usanga ari mbarwa.

Ibi akenshi ngo biva ku ngaruka z’ibikorwa bya muntu nk’imibonano mpuzabitsina na siporo ngororamubiri.

Steixner yavuze ko “ Mu myaka 60 na 70 biba byatangiye kumera nabi cyane.”
Yagize ati “Nabonye abarwayi bafite igitsina cyagondamye cyarafashe ishusho imeze nk’akabazo(?).”

- Kudakora neza nk’uko bikwiye (gutakaza umurego)

Mu gihe umuntu ageze mu zabukuru, akenshi usanga ahura n’ibibazo bijyanye n’uburyo igitsina cye gifata umurego.

Aha ngo abagabo basaga miliyoni 30 ku Isi bahura n’iki kibazo akenshi giterwa n’igabanuka ry’amaraso mu mubiri wabo.

Steixner yageranije iki kibazo nk’aho ari indwara y’umutima iba yafashe igitsina gabo avuga ko inama uwahuye n’iki kibazo ari zimwe niz’uwarwaye umutima nko kurya indyo yuzuye, gukora siporo.

- Ibyago byinshi bya kanseri y’udusabo

Abagabo bageze mu zabukuru baba bafite ibyago byinshi byo kurwara Kanseri y’udusabo tw’intanga (prostate cancer), iy’ubugabo bwo hepfo n’iy’uruhu.

Steixner yavuze ko abagabo badakebye ‘badasiramuye’ bafite ibyago byo kwandura izo kanseri kuko gukorera isuku igitsina usanga bisa nk’ibigorana.

Uko umugabo agenda agana mu busaza, hari impinduka zigaragara ku gitsina cye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza