Umunaniro ukabije, kimwe mu bitera ikibazo cy’impatwe ku batari bake

Yanditswe na Tombola Felicie
Kuya 13 Werurwe 2017 saa 02:21
Yasuwe :
0 0

Ikibazo cyo kugira impatwe gifitwe n’abatari bake bitewe n’amafunguro bafata, imiterere y’umubiri wabo cyangwa ibibazo by’umunaniro ukabije.

Kwituma impatwe(kwituma bigoranye) bifitwe n’abari hagati ya 2 na 30% mu bantu bari munsi y’imyaka 50 na ho ku bayirengeje kiri hagati ya 50 na 75% nk’uko OMS ibitangaza.

Buri mwaka, muri Leta Zunze Ubumwe za Amerika ikigereranyo cy’imiti igurwa n’umuntu urwaye impatwe ni amadorali asaga 250.

Urubuga Top Santé rugaragaza ko hari impamvu zishobora gutera impatwe ndetse n’uburyo umuntu yabyitwaramo mu gihe yahuye ba cyo.

Amarangamutima, imirire, imibereho ubayemo ituma amara akora neza cyangwa se akanebwa nk’uko Dr Laurence Plumey inzobere mu bijyanye n’imirire ku bitaro bya Necker mu Bufaransa yabisobanuye.

1.Imiterere y’amara

Uyu muhanga avuga ko igihe urura runini rudakora akazi karwo neza ngo rwohereze imyanda mu nzira ituma isohoka hanze, biba ari ubunebwe bw’imikorere y’umubiri.

Icyo gihe umuntu aba akwiriye gukunda kurya amafunguro arimo imboga, imbuto ndetse no kunywa amazi menshi bikarworohereza.

Gukora imyitozo ngororamubiri n’iyo byaba ari ugufata akanya ukagenda n’amaguru na byo ni ngombwa.

2.Ingaruka z’umunaniro ukabije

Inzira inyuramo ibiryo ikorana cyane n’imitsi y’ubwonko. Iyo rero umuntu afite umunaniro ukabije, kandi uhoraho aterwa n’akazi akora cyangwa ibindi bibazo arimo, bituma urwungano ngogozi rukora nabi akagira impatwe.

Uyu muganga atanga inama ko umuntu aba agomba gufata umwanzuro akagira uburyo budahinduka atwaramo ubuzima bwe.

Ati “Ugomba kugira amasaha adahinduka yo gufata amafunguro kandi gatatu ku munsi mu buryo buhoraho .Ni byiza kunywa amazi menshi cyane ariko mu gihe cy’amanywa ndetse ukirinda intekerezo zigutera igihunga (panique).”

Akomeza yerekana ko kurwanya umunaniro ukabije umuntu yanabikora agerageza kujya mu bikorwa byo kwishimisha.

3. Ingaruka zo kutanywa amazi menshi

Kunywa amazi ni ingezi, uretse kuba bituma imyanda isohoka neza binatuma imikorere y’umubiri igenda neza.

Kunywa byibura litiro n’igice y’amazi ku munsi bifasha umubiri kongera kubona amazi umuntu aba yatakaje igihe yihagarika cyangwa yituma.

4.Ingaruka z’indyo ihindura umubiri (régime alimentaire)

Iyo umuntu ari kuri ‘régime’ yaba iyo kunanuka cyangwa se kubyibuha hari ubwo imikorere y’umubiri yivumbagatanya umuntu akaba yagira impatwe.

Plumey avuga ko icyo gihe ku mafunguro ya mu gitondo hatagomba kuburaho imbuto ndetse umuntu akitoza no kunywa amazi uko yicuye mu ijoro.

Hari kandi gukurikiza inama uhawe na muganga kuko nta muntu uba ukwiriye kujya kuri ‘régime’ atabigiriwemo inama na muganga ndetse w’impuguke.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244