Kwicara umwanya munini bigabanya iminsi yo kubaho

Yanditswe na Nsabimana Emile
Kuya 28 Mutarama 2013 saa 02:31
Yasuwe :
0 0

Abantu bicara umwanya munini buri munsi, bahura n’ingaruka zirimo gusaza imburagihe mu gihe abamara igihe kitarenze amasaha atatu ku munsi bituma igihe cyabo cyo kubaho cyiyongera.
Amakuru y’urubuga health.hwostuffworks, avuga ko ubushakashatsi bwakozwe n’impuguke zo mu gihugu cy’u Bwongereza bwagaragaje ko abirirwa bicaye kuri za mudasobwa, televiziyo no mu kandi kazi gatuma bicara umwanya munini bahura n’uburwayi burimo kanseri y’amara, iy’amabere, uburwayi bw’umutima, hamwe na diyabete (...)

Abantu bicara umwanya munini buri munsi, bahura n’ingaruka zirimo gusaza imburagihe mu gihe abamara igihe kitarenze amasaha atatu ku munsi bituma igihe cyabo cyo kubaho cyiyongera.

Amakuru y’urubuga health.hwostuffworks, avuga ko ubushakashatsi bwakozwe n’impuguke zo mu gihugu cy’u Bwongereza bwagaragaje ko abirirwa bicaye kuri za mudasobwa, televiziyo no mu kandi kazi gatuma bicara umwanya munini bahura n’uburwayi burimo kanseri y’amara, iy’amabere, uburwayi bw’umutima, hamwe na diyabete yo mu bwoko bwa kabiri tutibagiwe n’uburwayi bw’umubyibuho ukabije.

Hari umubare munini w’abantu bakora amasaha arenga icumi ku munsi bicaye, n’ugize ngo arahaguruka agahita yicara ku meza afata amafunguro, akarangiza yongera kwicara mu modoka na yo akayivamo ajya kureba televiziyo cyangwa ajya kuri mudasobwa nanone.

Ubu bushakashatsi bwakozwe mu gihe cy’amazi 18, hagati y’umwaka wa 2009 na 2011.

Mu bantu barenga igihumbi bwakoreweho, 70% muri bo bagaragayeho kutagerageza gukora imyitozo ngoramubiri kandi birirwa bicaye.

Iyo umuntu yicara amasaha menshi ku munsi bituma umubiri we udakora neza, imikaya ntikore, ibinure bikitekera mu bice by’umubiri nko ku mwijima, ku miyoboro y’amaraso n’ahandi.

Ikindi kandi imitsi y’imitsi minini nk’iy’amaguru n’umugongo nta kintu kigaragara iba ikora, kandi iyo imitsi idakora umubiri wose ni nk’aho uba udakora. Umuntu ugerageza gukora akaruhuko gato gato ari mu kazi bimugabanyiriza ibyago byo kurwara umutima.

Bimwe mu byo ukora akazi gatuma amara igihe kinini yicaye yakora mu kwirinda ibi bibazo, ni uko yagerageza nibura kuva mu biro akoreramo akajya mu biro bya mugenzi we bakorana akamuvugishaho gato.

Ku bafite imashini zifotora cyangwa zisohora impapuro ashobora kujya kubyikorera, bityo akaboneraho kuruhuka. Ashobora no kujya gufata ifunguro kure y’aho akorera mu gihe cy’ikiruhuko, kandi akagenda n’amaguru. Agomba no gukora imyitozo ngororamubiri nibura mu gihe cy’iminota 30 ku munsi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza