Uko umuntu yakwirinda indwara yo kubura ibitotsi

Yanditswe na Nsabimana Emile
Kuya 22 Mutarama 2013 saa 02:33
Yasuwe :
0 0

Kubura ibitotsi (insomnia) bishobora guterwa n’ibintu bitandukanye birimo ibibazo umuntu aba afite ku giti cye cyangwa indwara ubwayo iterwa n’ibura ry’icyitwa ‘sérotonine’ mu mubiri, ariko kandi hari uburyo bwinshi bwo kuyirinda.
Amakuru atangwa n’ibitangazamakuru binyuranye byo kuri ‘internet’ avuga ko ubushakashatsi bwagaragaje ko umuntu wese urengeje imyaka 75 aba afite ibyago byinshi byo kwandura insomnia, ariko ngo n’abantu bari munsi yayo bashobora kuyirwara.
Ubu bushashatsi bwagaragaje ko (...)

Kubura ibitotsi (insomnia) bishobora guterwa n’ibintu bitandukanye birimo ibibazo umuntu aba afite ku giti cye cyangwa indwara ubwayo iterwa n’ibura ry’icyitwa ‘sérotonine’ mu mubiri, ariko kandi hari uburyo bwinshi bwo kuyirinda.

Amakuru atangwa n’ibitangazamakuru binyuranye byo kuri ‘internet’ avuga ko ubushakashatsi bwagaragaje ko umuntu wese urengeje imyaka 75 aba afite ibyago byinshi byo kwandura insomnia, ariko ngo n’abantu bari munsi yayo bashobora kuyirwara.

Ubu bushashatsi bwagaragaje ko umuntu umwe kuri batatu aba afite iki kibazo cyo kubura ibitotsi.

Kubura ibitotsi biterwa no gutekereza cyane, kutagira ukuba hafi no kugira ibibazo umuntu ntabone uwo abibwira kandi ntabone umufasha kubikemura.

Mu rwego rwo kwirinda iyi ndwara, umuntu aba agomba kuryama buri gihe ku isaha runaka yiyemeje akirinda kuyihindagura. Agomba kandi kwirinda kugira ibiganiro igihe ageze mu buriri, akirinda kureba televiziyo igihe ageze mu gitanda, akirinda kumva radiyo no kwibaza ku byo yakoze cyangwa se ibyo ateganya kuzakora bucyeye.

Umuntu agomba kwirinda kumara amasaha ageze kuri atandatu ya nijoro atararyama.

Usibye ibyo kwirinda no kuzirikana, hari n’uburyo bwo kwirinda ‘insomnia’ binyuze mu mirire. Muri ubu buryo umuntu agirwa inama yo kurya imboga n’imbuto, n’ibindi bibonekamo umunyu ngugu wa ‘Fer’, vitamini B6 na C.

Ibi bifasha kugabanya ibibazo bikomoka ku kubura kwa ‘serotonine’, kuko kubura kwayo ari byo bitera kubura ibitotsi.

Inama zatanzwe iyo zishyizwe mu bikorwa ariko bikanga, umuntu aba agomba kwihutira kujya kwa muganga hakarebwa ubundi buryo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza