Umubiri wakira ibyo kurya bitewe n’ubwoko bw’amaraso

Yanditswe na Rene Anthere Rwanyange
Kuya 15 Mutarama 2013 saa 09:34
Yasuwe :
0 0

Ubwoko bw’amaraso (groupe sanguin) ni bwo butuma ibiribwa runaka bigwa umuntu neza cyangwa nabi.
Amakuru atangazwa n’urubuga amazon.com, avuga ko buri muntu, bitewe n’ubwoko bw’amaraso ye (groupe sanguin), haba hari ibiryo agomba kurya n’ibindi agomba kwitondera, kuko ngo burya umubiri w’umuntu hari ibiribwa wakira neza n’ibindi wakira nabi.
Ubwoko bw’amaraso umuntu afite ni bwo butuma agubwa neza cyangwa nabi n’ibiryo yariye, ari bwo wumva bavuga ngo umuntu yariye ibiryo bimutera kugira aleriji (...)

Ubwoko bw’amaraso (groupe sanguin) ni bwo butuma ibiribwa runaka bigwa umuntu neza cyangwa nabi.

Amakuru atangazwa n’urubuga amazon.com, avuga ko buri muntu, bitewe n’ubwoko bw’amaraso ye (groupe sanguin), haba hari ibiryo agomba kurya n’ibindi agomba kwitondera, kuko ngo burya umubiri w’umuntu hari ibiribwa wakira neza n’ibindi wakira nabi.

Ubwoko bw’amaraso umuntu afite ni bwo butuma agubwa neza cyangwa nabi n’ibiryo yariye, ari bwo wumva bavuga ngo umuntu yariye ibiryo bimutera kugira aleriji (allergie) .

Urugero, ngo hari abarya nk’ibikomoka ku nyama maze bagafuruta cyane, bagahumeka nabi cyangwa se bagacibwamo, abandi babirya ntibigire icyo bibatwara.

Ibi bikaba byaravumbuwe ku nshuro ya mbere n’umuganga w’Umunyamerika witwa James D’Adamo mu mwaka wa 1950, nyuma yo kubona ko abantu bamwe bagubwa neza n’ibiryo runaka mu gihe abandi byabamereraga nabi.

Muganga James d’Adamo, ashingiye ko amaraso ari yo atwara intungamubiri zose z’ibyo twariye, ngo yashatse kumenya isano iri hagati yo kugira ngo umuntu arye bimugwe neza undi bimugwe nabi.

Nyuma ni bwo ngo yaje kwandika ibyo yabonye, mu nyigo zitandukanye yagiye akorera ku bantu, mu gitabo yise One man’s food mu mwaka wa 1980.

Nk’uko bakomeza babivuga, ngo ibi bishingiye ku kubera ko buri bwoko bw’amaraso bugira ibirwanya bitandukanye n’ibindi.

Ni muri urwo rwego ibiryo runaka n’ibibigize bishobora gutuma umubiri ufite ubwoko bw’amaraso runaka ukora abasirikare, bakaba ari bo bashobora no kuwangiza, ni bwo bavuga ko umuntu yagize allergie ku byo yariye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza