IGIHE.com > Ubuzima > Indwara
 Afurika y’Epfo :  28%  by’abakobwa b’abangavu banduye SIDA

Afurika y’Epfo : 28% by’abakobwa b’abangavu banduye SIDA


Yanditswe kuya 15-03-2013 - Saa 10:03' na Eugenie Umuhoza

Nyuma y’ ubushakashatsi bwakozwe muri Afrika y’ Epfo ku banduye agakoko gatera SIDA, Minisiteri w’ ubuzima, Dr Aaron Motsoaledi, yatangaje ko biteye ubwoba cyane kubona abakobwa b’abangavu barenga ¼ babana n’agakoko gatera SIDA .

Dr Aaron Motsoaledi yatangarije Ibiro Ntaramakuru by’Abafaransa (AFP) ko umubare munini w’urubyiruko rw’abana b’abakobwa bagera kuri 28% mu gihe ab’ abahungu bagera kuri 4%.

Dr Aoron yagaragaje ko biteye ubwoba cyane , kuko bisobanutse ko SIDA bayiterwa n’abagabo bakuze ati " Ntabwo ari abana b’abahungu batera SIDA abana b’ abakobwa ahubwo ni abagabo bakuze."

Usibye no kuba abo bakobwa banduzwa SIDA , abana b’ abakobwa bagera kuri 94,000 mu mwaka 2011 baterwa inda z’indaro.

Abanyafurika y’Epfo bagera kuri miliyoni eshanu, bangana 10 % by’Abanyafurika y’Epfo bose, babana n’agakoko gatera Sida.

Afurika y’Epfo nicyo gihugu cya mbere ku isi cyakoresheje gahunda yo gutanga ibinini bigabanya ubukana bwa SIDA (ARV), mu myaka ine ishize.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO