Kwamamaza

Abakenera serivisi zo kubagwa bari mu Ntara bashyizwe igorora

Yanditswe kuya 29-11-2016 saa 12:58' na Evariste Nsengimana


Abaganga bakora mu bitaro bya Kaminuza ya Kigali (CHUK) bavuye abarwayi 120 bari bakeneye serivisi zo kubagwa mu gikorwa cyabereye ku bitaro bya Ruhengeri, muri gahunda yo korohereza ababigana babasanga aho batuye.

Iki gikorwa cyasojwe mu cyumweru gishize, gitegurwa n’ibitaro bya CHUK ku bufatanye na Minisiteri y’Ubuzima, bigamije korohereza abarwayi bakenera kubagwa kudakomeza gutegereza, no kubagabanyiriza urugendo bakora baza kwivuriza i Kigali.

Iyi gahunda yakorwaga ku nshuro ya cumi, kuva yatangizwa ku mugaragaro muri Kamena 2015.

CHUK ivuga ko kuva iyi gahunda yatangira, abarwayi 4450 bamaze kubagwa , naho kuva muri Kamena 2015 kugeza muri Nzeri 2015, abarwayi 2174 bakaba barabazwe.

Iyi gahunda yatangiriye mu Bitaro bya Ruhengeri, Rwamagana na Ngoma ikaba izakomereza n’ahandi mu gihugu.

Dr Arcade Rudakemwa, Umuganga ushinzwe gutera ikinya mu Bitaro bya CHUK yabwiye The Newtimes ko iyi gahunda igamije kwegera abarwayi bakoraga urugendo baza i Kigali cyangwa bagategereza igihe kirekire kubera ubwinshi bw’abakenera kubagwa CHUK yakira.

Ati “ Tubasanga aho baba kugira ngo tuborohereze ingendo bakoraga baza ku bitaro i Kigali”

Yakomeje avuga ko muri iyi gahunda bahuriramo n’imbogamizi zitandukanye nk’iz’ibikoresho n’ibyumba byo kubagiramo bike aho usanga icyumba kibagirwamo umurwayi umwe hajyamo babiri ndetse n’ikibazo cy’abaganga bize ibyo kubaga no gutera ikinya bakiri bake ugereranije n’abarwayi bakira.

Dr Léon Ngezahayo uhagarariye serivisi z’ubuvuzi mu bitaro bya Ruhengeri yavuze ko iyi gahunda ari ingirakamaro kuko yagabanyije umubare w’abarwayi ibitaro byakiraga mu gihe binafite abaganga bake.

Abarwayi babazwe bavuga ko iyi gahunda ari ingirakamaro kuko iborohereza kubona serivisi bakeneye.

Jean Damascène Sempabuka utuye mu Karere ka Ngororero, wabazwe mu nda, yatangaje ko iyi serivisi iborohereza mu kugabanya amatike n’umwanya bakoreshaga baza ku Bitaro bya Kigali.

Zilbah Nyirabahutu w’imyaka 54 utuye i Musanze wabazwe mu muhogo, yatangaje ko yishimiye guhabwa serivisi ari mu rugo

Ati " Ni byiza kuvurirwa hafi no mu rugo aho umuryango ushobora kugusura, ukanakugemurira mu buryo bworoshye."

Ku kibazo cy’abaganga bake, Umunyamabanga wa Leta muri Minisiteri y’Ubuzima ushinzwe ubuzima rusange n’ubuvuzi bw’ibanze, Dr.Patrick Ndimubanzi yavuze izi gahunda zizakomeza mu bitaro by’icyitegererezo byose bigize igihugu.

Yagize ati “ Dufite icyizere ko mu myaka iri imbere, tuzaba dufite abagana bahagije bakora mu bitaro bya Ruhengeri, ndetse n’ahandi mu gihugu cyose.”

Ndimubanzi avuga ko hari abaganga 250 bari kwiga ibijyanye no kubaga mu Rwanda no hanze y’igihugu, bazunganira abari basanzwe kandi ko buri mwaka harangiza abaganga bize ubuvuzi rusange basaga 100.

Mu Rwanda kuri ubu umuganga umwe yakira abarwayi basaga 100.000 ku mwaka.

Umuganga muri CHUK asobanurira Dr Ndimubanzi Patrick uko ibikorwa byo kubaga abarwayi ku bitaro bya Ruhengeri byagenze

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved