Guhagarika umutima ku mugore utwite bishobora gutuma abyara umwana urwaye "Autisme"

Yanditswe na Ishimwe Israel
Kuya 3 Ugushyingo 2016 saa 12:05
Yasuwe : XX
0

Ibibazo by’imyitwarire n’imyifatire, gutinda kuvuga bijyana n’ubufura ku mwana ukiri muto, ashobora kubiterwa no kuba nyina yarahoraga ahagaritse umutima mu gihe yari akimutwite.

Umunyarwanda w’Inzobere, akaba n’Umwarimu muri Kaminuza ya Québec muri Canada, Dr John Kabano, avuga ko hari impamvu zitandukanye zishobora gutuma umwana avukana ‘Autisme’

Yagize ati ‘‘Umunaniro ukabije, guhangayika cyane, kurwaragurika , kugira umunabi, ni bimwe mu bishobora gutuma umugore abyara umwana ufite ‘Autisme’ ariko bishobora no guturuka ku ruhererekane rwo mu miryango.’’

Dr Kabano yakomeje avuga ko abana bafite iki kibazo baba bakwiye kwitabwaho by’umwihariko kuko ari abana nk’abandi.

Ati ‘‘Ikibazo bene aba bana bagira ni ikijyanye no gusabana n’abantu, ariko usanga bafite ubwenge n’ubushobozi nk’ubw’abandi iyo babonye ibyangombwa bibafasha kwiga. Uzasanga no mu bigo bikomeye bikora ubushakashatsi, muri laboratwari n’ahandi umuntu akora bitamusabye gusabana n’abantu, aba ‘Autiste’ aribo bakora ako kazi neza.’’

Umuyobozi w’Ikigo ‘Autisme Rwanda’ giherereye mu Mujyi wa Kigali, Rosine Duquesne Kamagaju, avuga ko ababyeyi bafite abana bavukanye ikibazo cya ‘Autsime’ badakwiye kwiheba.

Yagize ati ‘‘Naguha nk’urugero ku bana dukurikirana, hari abaza batazi kwigaburira, kwijyana mu bwiherero n’ibindi. Ariko iyo batugannye turabakurikirana, tukabitaho ku buryo mu gihe gito usanga abana bakora nk’ibyo abandi bo mu kigero cyabo bakora nubwo baba bafite ubukererwe mu mitekerereze .’’

Akomeza avuga ko uretse kwita kuri aba bana, ababyeyi bahabwa amahugurwa mu bihe bitandukanye, kugira ngo bamenye uko bafata abana babo babarinda kudindira mu mitekerereze no kwibeha by’iteka.

Mu gihe cy’imyaka ibiri ikigo Autisme Rwanda kimaze gikorera mu Rwanda, cyakiriye abana basaga 100, barimo 26 bitabwaho buri munsi n’abandi 100 bo muri Kigali bari ku rutonde bakeneye ubufasha.

Dr John Kabano avuga ko umunaniro ukabije, guhangayika no kurwaragurika bishobora gutuma umugore abyara umwana ufite ikibazo cya ‘Autisme’
Umuyobozi w’Ikigo ‘Autisme Rwanda’, Rosine Duquesne Kamagaju, avuga ko ababyeyi bafite abana bavukanye Autsime badakwiye kwiheba

emma@igihe.rw


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza