Hemejwe umuti ugiye guhangana na kanseri

Yanditswe na Jean Pierre Tuyisenge
Kuya 1 Nzeri 2017 saa 08:05
Yasuwe :
0 0

Ikigo cya Leta Zunze ubumwe za Amerika gishinzwe kugenzura ibiribwa n’imiti cyemeje umuti wa mbere wakozwe uzajya urwanya kanseri wiswe ’Kymriah’, ufite ubushobozi bwo kongera kurema ubwirinzi bw’umurwayi.

Ni umuti inzobere zavuze ko ufunguye umuryango ukomeye mu kurwanya ikibazo cyari kimaze imyaka myinshi cyarabaye ingorabahizi, cyicaga abantu benshi ku Isi.

Uwo muti wakozwe n’ikigo cya Novartis. Umuyobozi wa wacyo, Joseph Jimenez, yabwiye itangazamakuru ko ubaye umuti wa mbere ufasha mu gukora ubudahangarwa bw’utunyangingo ku Isi yose.

Uwo muti uzajya uhabwa abana n’abandi batarengeje imyaka 25.

The Telegraph yanditse ko uwo muti utari ikinini cyangwa uburyo bwaba busanzwe bukoreshwa mu kuvura kanseri bushobora kunaniza umubiri, ahubwo ko ari uburyo bwongera ubushobozi bw’utunyangingo twitwa T-cells n’insoro z’umweru ukazitoza guhangana na kanseri.

Utunyangingo dukurwa mu maraso hakoreshejwe uburyo bwitondewe bwo kuyungurura amaraso, tukajyanwa aho dusuzumirwa muri laboratwari bakadushyiramo imbaraga zituma duhangana na kanseri tugeze mu mubiri.

Inyigo yakorewe kuri uwo muti yagaragaje ko nibura 83% y’abarwayi babona igisubizo cy’ubuvuzi mu gihe kitarenze amezi atatu.

Kugeza ubu uwo muti uri kugura amadolari 475,000 muri Leta Zunze Ubumwe za Amerika.

Abashakashatsi bemeje ko umuti wiswe 'Kymriah' uzabasha guhangana na kanseri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza