Ikiguzi cyo kuvura diabète muri Afurika y’Uburasirazuba kizikuba inshuro zisaga eshanu mu 2030

Yanditswe na Mukaneza M.Ange
Kuya 12 Nyakanga 2017 saa 09:07
Yasuwe :
0 0

Raporo yashyizwe hanze ku wa kabiri yagaragaje ko kubera uburyo indwara ya diabète ikomeje kwiyongera cyane mu bihugu biri muri Afurika y’Uburasirazuba, ikiguzi cyo kuyivura gishobora kuva kuri miliyari 3.8 z’amadolari ku mwaka mu 2015, kikagera kuri miliyari $16.2 mu 2030.

Iri raporo yashyizwe hanze n’abahanga mu bijyanye n’indwara zitandura yanagaragaje ko mu bihugu biri muri Afurika yo munsi y’ubutayu bwa Sahara, ikiguzi cyo kuvura diabète gishobora kuzagera kuri miliyari 59.3 z’amadolari ku mwaka mu 2030.

Ibiro Ntaramakuru by’Abashinwa, Xinhua, bitangaza ko iyi raporo yatangajwe mu kinyamakuru cyandika inkuru z’ubuzima kizwi nka Lancet yakozwe n’itsinda rigizwe n’abahanga 70.

Aba bahanga bemeje ko mu bigaragara Afurika yo munsi y’ubutayu bwa Sahara ititeguye kuba yahangana n’ubwiyongere bwa diabète, kandi ko hakenewe uburyo buhamye mu kongera serivisi zigamije gufasha abarwaye iyi ndwara, no kuzihuza n’izindi zigamije guhangana n’ibindi byorezo bidapfa gukira.

Abakoze iyi raporo bavuga ko umwanzuro ukwiye gufatwa mu buryo bwihuse, kandi bikagirwamo uruhare n’abafatanyabikorwa bose.

Kugeza ubu kimwe cya kabiri cy’abantu barwaye diabète muri Afurika yo munsi y’ubutayu bwa Sahara nibo baziko bayirwaye, 11% gusa akaba aribo babasha kubona ubuvuzi bakeneye.

Ikiguzi cyo kuvura diabète muri Afurika y’Uburasirazuba kizikuba inshuro zisaga eshanu mu 2030

angel@igihe.rw


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza