Rusizi: Abantu babiri basanzwe baranduye icyorezo cya cholera

Yanditswe na Bukuru JC
Kuya 28 Kanama 2017 saa 09:27
Yasuwe :
0 0

Mu murenge wa Nkombo, Akarere ka Rusizi, hagaragaye icyorezo cy’indwara ya cholera cyaturutse mu Repubulika Iharanira Demokarasi ya Congo nk’uko inzego z’ibanze zibyemeza.

Umunyamabanga Nshingwabikorwa w’Umurenge wa Nkombo, Rwango Jean de Dieu, yatangarije Flash TV kuri uyu wa Mbere ko hari ibizamini by’abaturage bapimwe kwa muganga, Ikigo cy’igihugu gishinzwe ubuzima (RBC) cyemeza ko hari abasanganywe cholera.

Yagize ati “Kugeza ubu amakuru mfite ni uko ibizamini by’abantu bagera kuri babiri ni byo byemejwe ko ari yo [cholera].”

Yakomeje agaragaza ko iki cyorezo cyakomotse muri Congo, si ikibazo cy’amazi mabi abaturage bakoresheje.

Yagize ati “Nta banga ririmo kuko cyaturutse muri Congo n’abo baturage bacu byagagayeho ko bari baturutse muri Congo kuko bagenderanaga n’Abakongomani kandi bisanzwe bizwi ko icyo kibazo gihari.”

Avuga ko aba baturage bagaragaje ibimenyetso by’iki cyorezo bajya kwa muganga barasuzumwa.

Kugira ngo icyo cyorezo kidakwira, Rwango yavuze ko bakajije ubukangurambaga babwira abaturage kugira isuku y’ibyo barya.

Cholera ni indwara iterwa no kurya cyangwa kunywa ibyanduye birimo agakoko kitwa Vibrio cholerae. Uyirwaye arangwa no kuruka, gucibwamo no gutakaza amazi menshi mu mubiri ku buryo iyo atavuwe neza kandi vuba ashobora gupfa.

Ibiro by'Umurenge wa Nkombo muri Rusizi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza