Ubuzima bwa Mujawimana umaze imyaka ine arwaye kanseri y’amara akabura uko yivuza

Yanditswe na Thamimu Hakizimana
Kuya 2 Gashyantare 2017 saa 03:43
Yasuwe :
0 0

Nyuma yo gukoresha umutungo wose ukamushiraho ashaka kwivuza kanseri y’amara amaranye imyaka ine, Mujawimana Thacienne utuye mu Kagari ka Kinazi mu Murenge wa Ntongwe mu Karere ka Kamonyi mu Ntara y’Amajyepfo, akomeje kurembera mu rugo bitewe no kubura ubushobozi bwo kujya kwa muganga.

-  Amaze imyaka ine arwaye kanseri y’amara

-  Asabwa amafaranga ibihumbi 700 kugira ngo avurwe akire

-  Yatangiye kuva amashyira mu myanya y’ibanga

-  Arasaba ubufasha

Uyu mubyeyi w’imyaka 37, ufite abana batandatu amaze imyaka ine arwaye kanseri y’amara nk’uko yabitangarije IGIHE.

Mujawimana avuga ko nyuma yo kumenya ko arwaye kanseri we n’abana be babayeho nabi cyane bitewe n’uko amafaranga yose yari afite yayamariye mu kwivuza.

Yagize ati “Mbere nari mfite amafaranga kuko nacuruzaga imyaka ariko yose yaje gushirira mu kwivuza kuko ibitaro hafi ya byose nabigezemo kugira ngo ndebe ko bamvura.”

Uyu mubyeyi akomeza avuga ko nyuma y’uko amafaranga yari afite yose amushiranye, yatangiye kubaho mu bwihebe, ahangayikishijwe n’ubuzima bwe n’ubw’abana be mu bihe bizaza.

Yagize ati “Ubu nyine narihebye kubera ko nta bushobozi na buke ngifite bwo kwivuza kuko amafaranga yose nari mfite nayamariye mu baganga. Ku Bitaro bya Butaro (biherereye mu Karere ka Burera)bambwiye ko hakenewe ibihumbi 700 kugira ngo bongere bamvure neza.”

Yakomeje avuga ko atagitembera kubera impumuro mbi afite bitewe n’uko asigaye azana imyanda irimo n’amashyira ku bice bimwe na bimwe by’umubiri.

Yagize ati “Ubu singipfa no kugenda kubera ko mba ndi kunuka bitewe n’uko nsigaye mva amashyira no mu gitsina ndetse no mu ibere kuko naryo ryamaze kurwara n’ubwo ryo bahise barivura.”

Mujawimana asaba ubufasha abantu bose bafite umutima wo gutabara kugira ngo abashe kuvurwa akire neza.

Uyu mubyeyi uri kubarizwa mu Mujyi wa Kigali aho yari amaze iminsi akeneye nibura amafaranga agera ku bihumbi 700 kugira ngo yivuze neza nk’uko.

Mujawimana amaze imyaka ine arwaye kanseri y'amara, bituma ahora apfutse
Mujawamariya atangaza ko asabwa amafaranga angana n'ibihumbi 700 kugira ngo abashe kuvurwa neza
Uyu mubyeyi atangaza ko n'ibere rye ryatangiye kurwara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza