IGIHE.com > Ubuzima > Indwara
Ibihumyo  bigira akamaro kanini ku mubiri w’umuntu ku buryo byanasimbura inyama

Ibihumyo bigira akamaro kanini ku mubiri w’umuntu ku buryo byanasimbura inyama


Yanditswe kuya 18-12-2012 - Saa 09:56' na Umurerwa Emma-Marie

N’ubwo akenshi hari ababiha agaciro gake, ibihumyo bifita akamaro mu buzima bw’abantu bibarinda indwara kandi bikaba bikorwamo imiti bikanafasha izindi ntungamubiri gukora neza akazi kazo.

Mu gihe hari abatekereza ko inyama ari cyo kiribwa gikomeye, ibihumyo bishobora kuzisimbura.

Ibihumyo bigira vitamine B1, B12, B6, C, K n’izindi.

Ibihumyo kandi bifasha umubiri w’umuntu kudahura n’indwara ziterwa n’imirire mibi, bikarinda indwara zijyanye no kugira amaraso make, bitgauma igifu n’amara bikora neza, bikanafasha ubiriye kwituma neza. Binongerera umubiri ubudahangarwa (ubushobozi bwo kwirwanaho).

Mu kandi kamaro ni uko birinda indwara ziterwa no kugira ibinure byinshi mu miyoboro y’amaraso, bigatuma amaraso akura neza kandi agakomera. Ibihumyo bituma ubiriye agira umubiri utoshye kandi ukomeye, bikanafasha izindi ntungamubiri gukora neza akazi kazo.

Amakuru dukesha ikigo cy’Igihugu gishinzwe guteza imbere ubuhinzi n’ubworozi( RAB), avuga ko ku isi hari amoko menshi y’ibihumyo ; nyamara ngo byose si ko biribwa.

Hari ibihumyo biribwa n’ibikorwamo imiti, hakabaho n’ibihumyo byica.

Mu Rwanda hamaze kugera amoko menshi y’ibihumyo, uhereye ku bihumyo bya kamere n’ibihingwa n’abantu aho ubu mu ntara zitangukanye hari amakoperative abihinga.

N’ubwo bifite akamaro ariko, ibihumyo hari ababirya bagapfuruta ku mubiri. Kugira ngo bigirire ubiriye akamaro, ni byiza ko agenzura igihe byakorewe. Ababirya bikabatera ibibazo byo gupfuruta na bo bagirwa inama yo kugana abaganga bakabagira inama.

Ibihumyo bishobora gukorwamo isosi bikarishwa ibindi biryo. Bishobora no gukorwamo burette (Boulette), ndetse hari n’ababyanika bikuma bakabisekura ifu yabyo bakayongera mu bindi biribwa.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO