IGIHE.com > Ubuzima > Indwara
Imbuto Foundation yasuye ababana n’ubwandu bwa SIDA bafashwa  na  Family Package Project

Imbuto Foundation yasuye ababana n’ubwandu bwa SIDA bafashwa na Family Package Project


Yanditswe kuya 4-02-2013 - Saa 18:11' na Marie Chantal Nyirabera

Imbuto Foundation iri kumwe n’abafatanyabikorwa ba UNICEF Rwanda, United Nation Rwanda, ZONTA Interanational bafasha ababana n’ubwandu bwa SIDA, basuye ababyeyi babana n’ubwandu mu mushinga Package Project wo ku bitaro bya Kacyiru ku wa 4 Gashyanatere 2013.

Umuyobozi wa Imbuto Foundation, Radegonde Ndejuru, yavuze ko umushinga ZONTA interanation ufasha cyane ababyeyi babana n’ubwandu ibinyujije mu Muryango Mpuzamahanga wita ku bana UNICEF.

Ndejuru ati ”Bafashije u Rwanda mu bikorwa byinshi, nko mu kubaka ibitaro by’ababyeyi twatashye bya Matyozo, bafasha Isange Center ya hano ku Bitaro bya Kacyiru ifasha ababyeyi babana n’ubwandu bwa Virusi itera SIDA”.

Akomeza avuga ko Imbuto Foundation ifasha ibigo 27 mu mushinga wa Family Package, ufasha ababyeyi banduye kubyara abana bazima mu turere dutanu turimo Bugesera, Rubavu, Gatsibo, Gasabo na Huye.

Family Pakage itanga ubujyanama, amahugurwa, uruhare rw’abagabo mu kuringaniza imbyaro, kwiteza imbere binyuze mu mishinga iciriritse, ikanatanga ibiganiro ku kuboneza urubyaro.

Pauliin Auckee, uturuka muri Finland wari uhagarariye ZONTA International, yatangaje ko yishimiye intambwe yatewe mu gufasha abafite ibibazo babana n’ubwandu, by’umwihariko ubujyanama bahabwa.

Umuyobozi w’ibitaro bya Polisi ku Kacyiru, Dr Daniel yabatembereje ahatangirwa serivise z’ubujyanama no gufasha abayeyi babana n’ubwandu, banerekwa bimwe mu bikorwa byo kwiteza imbere birimo ubukorikori n’ubudozi bivana ababana n’ubwandu mu bwigunge bikanabinjiriza mafaranga.

Abashyitsi bazanye na Imbuto Foundation basura ibitaro bya Polisi

Umubyeyi w’abana batandatu ,yadutangarije ko kuva yagera mu ihuriro rya Familly Package, yabashije kwigurira ikibanza yubaka inzu, ikaba isigaje gukorerwa isuku gusa.

Undi mubyeyi yavuze ko yahaboneye inama z’uko abana n’umugabo we, nyuma yo kwipimisha agasanga yaranduye umugabo we ari muzima.

Ababyeyi bose baganiriye na IGIHE bashimira amahugurwa menshi bahawe byatumye babyara abana bazima, kandi bakaniga imyuga ibateza imbere.

Ababana n'ubwandu bwa SIDA bahuguwe gukora imirimo ibitaza imbere
Ababana n'ubwandu bwa SIDA bafashijwe kubyara abana bazima

Amafoto/ Steven Ndizeye

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO